Babaye gipusil sa rest house

CEBU, Philippines — Napalgang patay ug adunay samad pinusilan sa agtang ang usa ka 57- anyos nga caretaker sa usa ka pribadong rest- house sa Sitio Bakhawan, Catmondaan, Lungsod sa Catmon niadtong Miyerkules sa buntag.

Ang biktima giila nga si Elsie Nuñeza, upat ka tuig na nga caretaker sa maong resthouse.

Matud ni SPO1 Ben Lavales nga ang bala nisulod sa wala nga bahin sa agtang ug nilusot sa tuo nga bahin sa liog sa biktima.

Napalgan na lang sa pag-umangkon sa biktima nga nagbuy-od ug naligo na sa kaugalingong dugo si Nuñeza.

Dili maka-pangagpas ang kapolisan nga kawat ang motibo tungod kay matud ni Lavales nga walay nangawagtang nga mga butang sa sulod sa resthouse. (BANAT NEWS)