Nanisko giatake

CEBU, Philippines - Patay na nga napalgan ang cellphone technician sa iyang giabangan nga kwarto sa Tabulasan, Tabunok, Dakbayan sa Talisay niadtong Domingo sa buntag.

Ang namatay nga si Fernando Alina, 22, lumad nga taga Kalilangan, Bukidnon, giingong gikan nang-disco uban sa iyang mga ka roommate apan naglisud sa pagginhawa dihang natulog na.

Ang tag-iya sa giabangan nga kwarto nibutyag nga ang inahan ni Alina nitug-an kaniya nga aduna’y deperensiya sa kasing-kasing ang iyang anak ug kadaghan na kini giatake sa kasing-kasing. (BANAT NEWS)