3 ka brgy sa Argao nakapahimos sa medical mission sa Capitol ug DOH
CEBU, Philippines - Napahimuslan sa mga taga Argao ang labing unang medical-dental mission nga gipasiugdahan sa kagamhanan sa Probinsiya sa Sugbo uban ang Department of Health.
Naangkon sa mga residente ang nagkadaiyang libre nga serbisyo sama sa panglawas, tambal, tuli ug tupi.
Nakapahimos niini mao ang mga taga barangay sa Jampang, Binlod ug Sumaguan diin gipangulohan ang maong kalihukan ni Argao Mayor Stanley Caminero kinsa nagtuon pagka-doktor kauban si Bokal Jose Mari Salvador sa segundo distrito nga usa ka nurse.
Ang mga pasyente nga mipaubos sa medical consultation, gipang-apuran og mga tambal.
Ang sunod nga medical mission ipahigayon unya sa Brgy. Langub sa samang lungsod. - Pamela Faith D. Pogoy, CNU Interns/DILT) (BANAT NEWS)
- Latest