Esgana mireklamo diha sa PRO-7
Decemay P. Padilla (Banat) - May 3, 2017 - 12:00am

CEBU, Philippines - Nisang-at na og reklamo si Sta. Fe Mayor Jose Esgana didto sa Police Regional Investigation and Detective Management Branch (RIDMB) sa Police Regional Office-7 niadtong Lunes batok ni Cebu City Mayor Tomas Osmeña.

Gipasanginlan ni Esgana si Osmeña nga nanghulga kaniya dihang nag-abot sila sa usa ka hotel dinhi sa syudad sa Sugbo niadtong Sabado.

Matud pa nga nakit-an ni Esgana si Osmeña kauban ang iyang amigo nga si Alex Tan, tag-iya sa Island Shipping diin ang mga barko niini nagbiyahe gikan sa Bantayan ug ‘mainland’ Cebu.

Matud pa nga gitudlo-tudlo siya (ni Tan) imbes nga ipailaila og tarong ngadto sa mayor sa syudad sa Sugbo. Sa dihang molamano unta siya kang Osmeña gitas-an siya niini og tingog.

Sa blotter, gitug-an ni Esgana nga gitulisok siya ni Osmeña didto sa Marriot Hotel niadtong Sabado ug giingnan nga “Ikaw ha! Gusto gyud ka og away. Pagbantay ‘nya ug pagbantay lang.”

Adunay kauban nga nikuha ni Esgana aron mobalik kini sa ilang lamesa apan samtang sila naglakaw padung sa ilang lamesa, matud pa sa blotter nga gihagit siya og sumbagay ni Tan ug giingnan nga “Unsay gusto nimo?” Matud ni Esgana wala na niya kini tubayi ug dali-dali siyang mibiya sa maong hotel.

Apan matud ni Chief Superintendent Noli Taliño, PRO-7 Director nga dili manghilabot ang kapulisan sa imbestigasyon ug pang “record purposes” ra kini.

Giklaro ni Taliño nga wala sila’y gilabanan sa duha ug samot nga wala kini sagol nga pulitika.

“Neutral naman tayo dito.Wala tayong pinapanigan dito. Kung magba-blotter ang kabila, tatanggapin natin. Kung magba-blotter na man yung kabila tatanggapin pa rin natin,” si Taliño niingon.

Si Osmeña sa iyang bahin mihulagway kang Esgana nga usa ka “bully” ug matud niya mao kini ang rason nganong nasuspenso kini dihang miinsister nga libre siya pagsakay sa barko. Giklaro usab ni Osmeña nga wala siya nihulga kang Esgana kay ang iya rang gisulti “Ikaw diay na? Nangita ka’g away?” Matud pa ni Osmeña wala siya misulti sa mga pulong nga “bantay lang ka ha.”

Iya usab giklaro nga wala siya moisa sa iyang tingog sa pag-estorya niini kang Esgana, dili siya armado ug wala siya’y bodyguard.

Kahinumduman nga nagsugod ang maong isyu tali sa duha gumikan sa nahitabo sa koral sa beach resort sa iyahang igsuon nga si Minnie Osmeña sa Sta. Fe sa Isla sa Bantayan nga giingong gibungkag nga wala ipahibalo kanila.

Gihulagway ni Osmeña nga way kaugmaon ang Sta. Fe kang Esgana  nga iyahang gihulagway nga nindot nga lugar nga ikatandi sa Boracay.

“Now it’s the people who are threatened what’s going to happen to them? That’s why I’m pointing out now you have a mayor like that you have no future. I had an investor that wants to do something to the property of my sister very nice but with a mayor like that? Ayaw nalang,” sigon pa ni Osmeña. (BANAT NEWS)

POLICE REGIONAL INVESTIGATION AND DETECTIVE MANAGEMENT BRANCH
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with