"Among ika-assure nga Bohol and the entire Province of Bohol is still safe not only for the tourist but for its residents as well," pamahayag ni Borja atol sa senemanang Kapihan sa PIA nga gihimo sa RAFI Building.
Büm Tenorio Jr/File
Bohol luwas suroyan ug pamiyestahan
(Banat) - April 27, 2017 - 12:00am

CEBU, Philippines - Ang mga opisyal sa Dakbayan sa Tagbilaran, walay nakit-ang hulga sa pagsaulog sa ilang Saulog Tagbilaran 2017 karong Mayo 1, nga maoy opening salvo sa tibuok bulan nga kapistahan sa Lalawigan sa Bohol, bisan pa man sa presensiya sa mga Abu Sayyaf.

Gitug-an ni Leonides Borja, ang City Administrator sa Tagbilaran nga dili mominos sa 500 ka security groups nga naglangkob sa PNP, AFP ug force multipliers ang magtinabangay sa paghatag og seguridad sa ilang mga kalihukan.

"Among ika-assure nga Bohol and the entire Province of Bohol is still safe not only for the tourist but for its residents as well," pamahayag ni Borja atol sa senemanang Kapihan sa PIA nga gihimo sa RAFI Building.

Mao sab ni ang gipasalig ni PRO-7 regional director Noli Taliño nga luwas suroyan ang tibuok Bohol ug dili angay mahadlok ang katawhan kay anaa ang kapolisan ug armadong kusog nga andam isugal ang ilang kinabuhi alang sa seguridad sa katawhhan.

Nunot niini giawhag ni Borja, nga dili magduha-duha sa pagbisita sa Tagbilaran ug makigselebrar sa ilang mga kalihukan.

Hinoon iyang giangkon nga adunay mikanselar sa ilang bookings ilabi na kadtong mga lugar nga mipagawas og travel advisory, apan aduna gihapoy nangabot nga mga langyaw.

Ang Saulog Tagbilaran saulogon subay sa kapistahan ni Saint Joseph the Worker, ang patron sa maong dakbayan. Ang maong kalihukan mao ang mobukas sa usa ka buwan nga kapistahan sa Lalawigan sa Bohol, sugod Mayo 1 hangtud 31. Rowena D. Capistrano, Camille L. Pateres ug Pamela Faith Pogoy (BANAT NEWS)

BOHOL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with