^

Banat Balita

ASEAN Summit sa Bohol nahulga?

Decemay Padilla, Mitchelle L. Palaubsanon, Brenda D. Batuto - Banat

CEBU, Philippines - Seguridad sa ipahigayon nga ASEAN ministerial meetings didto sa Bohol nga mahitabo sa sunod semana tun-an pagbalik tungod sa nahitabo kagahapon sa Inabanga, Bohol.

Sumala pa ni Cebu Gobernador Hilario Davide, III chairman sa Regional Peace and Order Council (RPOC)-7 tan-awon pa kun unsay assessment sa national organizing committee on  security group kun angay ba o dili nga didto kini himuon.

Gikatakda unta sa Miyerkules sa sunod semana ipahigayon ang meeting sa RPOC-7 apan naatol usab kini sa ASEAN meeting sa Bohol.

Samtang wala pay nakasiguro kun unsay tuyo sa mga bandido sa Bohol, nanawagan si Davide sa publiko nga magpabiling kalma apan magmabinantayon tungod sa nahitabo sa Bohol. Ang maong engkwentro nahitabo duha ka adlaw human nipagawas og travel advisory ang US Embassy dinhi sa Central Visayas bahin sa mga teroristang nagplanong mangidnap dinhi sa Sugbo o sa Bohol.

Gikatakdang adunay himuong tigom tali sa mga gobernador sa Central Visayas kauban ilabi na si Bohol Gov. Edgar Chato.

Samtang gidayeg ni Presidential Assistant for the Visayas Michael Lloyd Dino ang mga miyembro sa Central Command ug Police Regional Office-7 sa pagpakgang nila sa gidudahang mga bandidong Abu Sayyaf sa Inabanga, Bohol. “Their timely intercept of this armed group assures us that the military and police are on top of the security preparedness for the Visayas. I also commend our intelligence community. Their diligence has kept the Visayan community always safe,”  matud pa ni Dino sa iyang press statement.

Samtang si Cebu City Mayor Tomas Osmeña sa iyang bahin miingon nga dili imposible nga posibleng moabot dinhi sa Sugbo ang mga bandido. Plano niya nga mohatag ang siyudad og ayuda sa mga pamilya sa mga nakalas nga sundalo ug polis didto sa Inabanga kay matud pa niya mao lamang kini ang mahatag sa siyudad agi og pasalamat sa ilang sakripisyo.

“The ASG have incurred significant losses; it is unlikely that they have the operational capability to do further damage now. However, other elements may exist, and as much as our police and military are trying, they cannot be everywhere all the time,” pasabot pang Osmeña. Dako kaayo og pagsalig ang mayor sa mga Sugboanong Muslim nga namuyo na dinhi sa Sugbo sama sa ilang pagtabang niadtong ASEAN Summit napulo ka tuig na ang nakalabay dihang sila maoy nakaingon sa pagka-neutralize sa gidudahang mga terorista.

Andam siyang mohatag og P100 mil niadtong makahatag og impormasyon nga moresulta sa pagkasikop sa mga gidudahang Abu Sayyaf dinhi sa Sugbo. - /EIM) (BANAT NEWS)

 

ASEAN

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with