Impeachment di kaabot sa Senado
Brenda D. Batuto (Banat) - April 8, 2017 - 12:00am

CEBU, Philippines - Hayan dili moabot sa Senado ang impeachment complaint nga gipasaka ni Kongresista Gary Alejano sa Magdalo Party-list batok ni Presidente Rodrigo Duterte.

Matud ni Deputy Speaker Gwendolyn Garcia nga moagi pa sa House Committee on Justice ang reklamo diin tukion kung may igo bang basehanan una pa kini dad-on sa plenary.

Nagkinahanglan og 97 ka pirma sa mga kongresista ang impeachment complaint una pa kini mapasaka ngadto sa Senado.

Mayoriya sa mga kongresista nagpaluyo kang Duterte diin nakita atol sa pagpasar sa death penalty bill diin 251 ang pabor samtang 54 lang ang supak.

Si Garcia usa sa nibotar pabor sa death penalty aron ang mga kriminal makabaton usab og kahadlok nga mobuhat og krimen.

Nahimo nang balaud ang death penalty diin ang principal author mao ang amahan ni Garcia nga si kanhi Deputy Speaker Pablo Garcia atol sa 9th Congress.

Matud ni Garcia nga kaniadto pa siya nga uyon sa iyang amahan kabahin sa maong balaud.

Iyang gipasabot nga kinahanglan gyud nga dunay capital punishment aron mahatagan og hustisya ang biktima ug ang pamilya niini.

Gisanglitanan ni Garcia ang death penalty sa State of California sa USA diin ang mga jail guards mismo ang nangulo sa pagsupak dihang tangtangon unta kini. Ang rason mao nga ang piniriso nga dunay life imprisonment ang dili na mahadlok sa paghimo og dugang krimen sulod sa prisohan batok sa ubang piniriso. (BANAT NEWS)

IMPEACHMENT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with