_banat
^

Banat Balita

Pari sa Santa Fe wa mahadlok ikiha

Rowena D. Capistrano - Banat

CEBU, Philippines - Wala nabalaka ang kura paruko sa Santo Niño Roman Catholic Parish sa Lungsod sa Santa Fe nga pasakaan siya og kaso gumikan sa prayer rally nga walay permit ingon man pagsaba-saba ug child abuse gumikan sa mga bata nga gipakupot sa mga tarpaulins.

Matud ni Fr. Roy Bucag nga bisan sa bag-ong programa nga gipakita sa Isla Music Festival dili gihapon siya pabor niini ug mouyon lang siya kung isibog kini sa laing petsa.

Sumala pa ni Bucag nga niining hulga nga iyang nadawat mas labi na hinoon siyang mosupak sa Isla Music Festival tungod kay wala siya mahadlok ilabi na nga anaa siya sa katarung ug magpadayon ang iyang kawsa bisan unsay mahitabo.

“I will continue my cause bisan unsay mahitabo maayo o dautan hangtud ang kamatayon mobulag kanato,” matud sa iyang post ni Bucag.

“Andam ko mobiya pagka-kura paruko kung adunay mga ginikanan sa bata nga moreklamo nga gipugos sila pagpakuyog sa aurora,” dugang sa pari.

Si Bucag nipadayag nga sa pagkakaron padayon gihapon siyang maampuon nga ang iyang gihimo para sa katawhan sa Dios nga naningkamot nga mahimong Balaan ug Solemne ang kasaulugan sa Semana Santa.

Si Atty. Antonio Oposa, environmental lawyer, nitug-an nga kinahanglan nga human sa Isla Music Festival dili mahugaw ang ilang baybayon tungod kay adunay higayon nga adunay hugaw nga ibilin.

Awhag ni Oposa ngadto sa lokal nga kagamhanan ug organizers nga kinahanglang limpiyo gyud ang baybayon human sa Semana Santa.

“Pahinumdum lang ni nila nga magtarung mo, ingna sila usa ray message ni Atty. Oposa, pagtarung mo,” matud ni Oposa. (BANAT NEWS)

SANTA FE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with