_banat
^

Banat Balita

35 sikop sa ‘balik sa PNP vs drugs

Jojo Ugdol, Romeo Limpangog, Gabriel Bonjoc - Banat

CEBU, Philippines - Miabot 35 ka mga drug personalities ang nangadakpan sa nagkadaiyang anti-illegal drugs operations sa mga kalungsoran ug siyudad sa probinsya sa Sugbo nga labing unang operasyon sa mga polis sa pagbalik nila gikan pagkasuspenso sa Oplan Tokhang.

Sa Talisay City, pito ka mga tawo ang nadakpan sa Brgy. Tangke nga niresulta sa pagkasakmit sa balor P94 mil nga shabu ug mga drug paraphernalia.

Si Supt. Emerson Dante, hepe sa Talisay City Police Station nagkanayon nga human na ang pagmaya sa mga drug personalities tungod kay nibalik na ang kapolisan sa kampanya kontra ilegal nga drugas.

Samtang sa Mandaue City, Cordova, Liloan, Compostela ug Danao City niabot og 28 ka mga drug personalities ang nangadakpan.

Sagad kanila aduna nay mga daang record sa ilang mga presinto ug wala maapil sa mga unang na-neutralize dihang gisugdan ang Oplan Tokhang niadtong Hunyo sa nakalabay nga tuig hangtud nga gitangtang ang PNP sa kampanya batok ilegal nga drugas tungod sa pagpangabuso.

Kuyog pari,pastor

Uyon ang kapulisan sa Cebu City Police sa plano nga pakuyogon ang mga pari sa mga kampanya batok sa ilegal nga drugas sa kapulisan nga tawgon og “Oplan Tokhang 2” nga himuon sa umaabot nga mga adlaw.

Si Senior Superintendent Joel Doria, CCPO director, mitug-an sa The Freeman/ Banat News nga gawas sa mga pari gusto usab niya nga aduna ‘sab mga pastor nga moapil sa ilang kalihokan.

Daku ang pagtuo ni Doria nga dako ang matabang sa mga pastor ug pari sa pagkombinsir sa mga drug users ug pushers nga moundang na sa ilang ilegal nga kalihokan.

Gani dunay nagpadayon nga programa karon ang kapulisan sa siyudad alang sa pagpalig-on sa moral spiritual values sa matag polis ginahimo sa mga pastors.

“Maganda naman ‘yun para meron namang spiritual side sa campaign natin at magbago na ang mga users and pushers na ‘yan. Mahimok natin talaga sila na mag-surrender,” matud pa ni Doria.

Sigun pa ni Doria nga kung kini mahitabo mawala na ‘sab ang kahadlok sa pipila sa Oplan Tokhang sa pagtuo nga kung sila ipaubos sa tokhang mameligro na gyud ang ilang kinabuhi.

“Na misinterpret kasi nila ang tokhang. ‘Pag may tokhang, akala nila papatayin,” sumala pa ni Doria. Nabantayan hinoon ni Doria nga sa ilahang rekord sa CCPO wala pa’y drug user o pusher nga napatay sa paghimo sa Oplan Tokhang dinhi.

Sa Central Visayas, miabot na sa 106, 760 ang mitahan nga mga drug pushers gikan Hulyo 1 hangtod Enero 26 karon nga tuig.

Kagahapong adlawa  si Philippine National Police (PNP) Director General Ronald “Bato” dela Rosa miawhag sa mga pari nga mouban sa anti-drug campaign. Sa report sa radio DZMM, si Dela Rosa miingon nga kung mouban ang mga pari kini masiguro nga walay paglapas sa tawhanong katungod nga mahitabo sa mga pagbisita sa mga balay sa mga drug suspects.

"Pagkatapos kang sermonan ng pulis, iiwanan ka ng blessing ng pari, siguro naman baka may malaking tsansang magbago ka o magpapa-rehab ka na," matud pa ni Dela Rosa. - /EIM) (BANAT NEWS)

ANTI-ILLEGAL DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with