_banat
^

Banat Balita

Desk officer ang tighatud sa shabu

Jojo Ugdol - Banat

CEBU, Philippines - Gidis-armahan ug girelibohan sa pwesto sa hepe sa Liloan Police ang iyang usa sa mga desk officers human kini maoy gitudlo sa mga piniriso nga maoy nagsuplay kanila og drugas nga nakuha sa gihimo nga greyhound operation niadtong nakalabay nga hapon.

Atol sa greyhound operation nakuha sa sulod sa prisohan ang 12 ka gagmay nga paketeng gituohang shabu ingon man mga drug paraphernalia.

Ang mga drugas nakuha gikan sa mga inmates nga sila si Procopio Gromia, Jr., 36, Jeppe Rosal, 36,  ug Arnel Noval, 29.

Si Mata ug Rosal mga gikatahong hitmen ni Alvaro Alvaro alyas Barok nga nadakpan sa kapulisan niadtong bulan sa Disyembre.

Ang hepe sa Liloan Police, Chief Insp. Franco Oriol nga nahinabi sa Banat News miingon nga nakadawat sila og impormasyon nga adunay drugas sa sulod sa ilang prisohan maong dali nila kining gironda.

Sa interogasyon sa kapulisan sa mga nakuhaan og drugas si Gromia mitug-an nga gikan ang shabu sa usa sa mga desk officers nga gipadis-armahan dayon ni Oriol.

Ang maong polis kinsa wala pa makuhai sa iyang habig gidestino karon sa Police Holding and Accounting Unit (PHAU) sa Cebu Provincial Police Office alang sa imbestigasyon.

Ang maong polis kanhi operatiba sa intelligence unit sa maong buhatan apan kini girelibohan sa unang hepe kay adunay problema sa batasan.

Dugang pa ni Oriol nga duha ka semana pa nga naghulog og drugas ang maong polis diha sa mga priso.

Sa unang hatag nakadawat ang polis og P7 mil ug P4 mil sa ikaduha.

Gitug-an usab ni Oriol nga managsilingan diay si Gromia ug ang polis ug giingong misuway pa gani kini kaniadto pag-arbor niini dihang gidakop tungod sa drugas.

Sa laing bahin, ang director sa Cebu Provincial Police Office, Sr. Supt. Eric Noble mitug-an nga nagplano kini nga parelibohan tanang mga polis sa usa ka police station sa usa ka lungsod sa habagatang Sugbo gumikan sa alegasyon sa kalambigitan sa     drugas.

Ang maong pamahayag gipagawas sa opisyal human sa nakuhang mga shabu sa Liloan Police Station. (BANAT NEWS)  

GIDIS-ARMAHAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with