Tining suspendido na sab
Gregg M. Rubio (Banat) - February 14, 2017 - 12:00am

CEBU, Philippines - Human sa duha pa lang ka buwan sa iyang pagbalik sa pwesto, gisuspenso na sab sa Sandiganbayan og 90 ka adlaw si Bokal Celestino “Tining” Martinez III may labot sa paggasto sa P11.5 milyones nga pundo sa Girl Scouts of the Philippines.

Sugod kagahapon si Martinez wala na motambong sa sesyon sa hunta probinsiyal diin siya naglingkod isip pangulo sa Liga ng mga Barangay sa Probinsiya sa Sugbo.

Agosto sa niaging tuig gitangtang sa Ombudsman si Martinez sa katungdanan may labot sa giingong anomaliya sa P6 milyones nga  Farm Inputs and Farm Implements Program scam sa 2004.

Apan nausab ang desisyon hinungdan nga nakabalik siya sa pwesto niadtong Disyembre.

Kauban ni Martinez sa ulahing resolusyon sa Sandiganbayan sa gisuspenso mao sila si Lapu-Lapu City Mayor Paz Radaza ug Konsehal Cresencio Verdida sa Dakbayan sa Bogo.

Si Radaza una na nga niserbisyo sa iyang suspension niadtong Enero ug una nilang Martinez ug Verdida.

Sayo niining buwana, ang igsuon ni Martinez nga si Bogo City Vice Mayor Maria Cielo Martinez ang gipaubos na usab sa 90 ka adlaw nga pagkasuspenso may labot gihapon sa pundo sa GSP.

Ang magsuong Martinez gipasanginlang nihipos sa P10-milyones nga pundo sa personal account sa ilang inahan nga si kanhi kongresista Clavel Asas-Martinez niadtong 2002.

Ang P10 milyones kabahin sa P11.5 milyones gikan sa Priority Development Assistance Fund ni Clavel nga alang unta sa GSP.

Si Clavel ang presidente sa GSP-Cebu Council niadtong higayona samtang si Radaza ang Council treasurer ug si Maria Cielo ang GSP-Cebu treasurer.

Nalakip sa gipangkiha sila si kanhi municipal treasurer Rhett Minguez, kanhi municipal accountant Verdida, bookkeeper Rhodariza Kilantang ug GSP-Cebu Council cashier Julieta Quino.

Sa imbestigasyon nasuta nga ang P11.5 milyones gikan sa PDAF ni Clavel gisulod sa GSP account apan gikobra ni Maria Cielo ug gideposito sa personal account sa iyang inahan. (BANAT NEWS)

CELESTINO “TINING” MARTINEZ III
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with