Mga opisyal sa ermita suspendido na
Decemay P. Padilla, Rowena D. Capistrano (Banat) - February 1, 2017 - 12:00am

CEBU, Philippines - Gisuspenso na ang tanang opisyal sa Barangay Ermita, Dakbayan sa Sugbo nga gipangulohan ni Kapitan Felicisimo “Imok” Rupinta.

Pasado alas 9 kagahapon sa buntag gi-served sa Department of Interior and Local Government sa barangay hall ang unom ka buwan nga preventive suspension batok ni Rupinta ug mga konsehal.

Matud ni DILG Cebu City Director Ema Joyevelyn Calvo nga sa pagkakaron wala pay molingkod isip officer-in-charge sa barangay sanglit naghuwat pa sila sa itudlo ni Presidente Rodrigo Duterte.

Nahabilin karon sa barangay mao ang secretary ug treasurer.

Matud ni Rupinta nga tumanon niya ang balaud ug niawhag sa katawhan sa barangay nga magpabiling kalma ug dili magpadala sa ilang emosyon gumikan sa hitabo samtang mobakasyon una siya sa Lungsod sa Borbon.

Samtang giklaro ni Mayor Tomas Osmeña ang kaso nga gipasaka batok kang Rupinta ug mga konsehal walay bulok politika apan tungod kini sa giingong wala nila pagkooperar sa operasyon sa Philippine Drug Enforcement Agency. Si PDEA-7 Director Yogi Filemon Ruiz nagkanayon nga ang nahitabo sa Ermita usa ka maayong panaminan sa mga barangay opisyal nga sila sa PDEA igo ra nihimo sa ilang trabaho ug walay bulok sa politika.

Apan si Rupinta nabalaka nga maghitak na sab pagbalik ang supply sa drugas sa ilang barangay karon nga gisuspenso ang mga opisyal ug wala nay mobadlong.

Nagtuo si Rupinta nga adunay dagkong tawo nga nalambigit sa ilegal nga drugas nga naglagot kaniya gumikan sa ilang kampanya hinungdan sa ilang pagkasuspenso.

Nanghinaut siya nga bisan og suspendido siya nga magpadayon na ang kausaban sa mga tawo sa iyang barangay ug dili na mobalik sa ilegal nga drugas.

Si Senior Supt. Joel Doria, director sa Cebu City Police Office, nibutyag nga bisan og dili na sila maoy mopahigayon sa mga buy-bust operations apan magpabilin gihapon silang magpaniid kung kinsa sa barangay ang mga nalambigit sa ilegal nga drugas ug ila kining ipadangat sa buhatan sa PDEA-7. (BANAT NEWS)  

ERMITA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with