^

Kaso nilang Cuenco ug Yapha gibasura

DEAR DJ JACKY G., - Michael Vencynth H. Braga (Banat) - January 23, 2017 - 12:00am

CEBU, Philippines - Gibasura sa Sandiganbayan ang kasong pagpanikas batok sa kanhi duha ka Sugbuanong kongresista nga gipasanginlang nag-endorse sa usa ka organisasyon nga dili kwalipikado mopatigayon sa usa ka proyekto sa gobiyerno gamit ang ilang Priority Development Assistance Funds (PDAF).

Ang korte nagkanayon nga nakalapas ang Ombudsman sa katungod sa akusado nga mapadali ang pagresolba sa kaso. 

Ang mga gikasuhan mao sila si kanhi Cebu Third District representative Antonio Yapha Jr. ug kanhi Cebu City South District representative Antonio Cuenco.

Matud sa Sandiganbayan nga kapin napulo ka tuig nga nag-ung-ong sa Ombudsman ang kaso usa pa kini napasaka sa korte.

Nasayran nga ang maong kaso gisang-at ngadto sa Ombudsman niadto pang Pebrero 17, 2006 ug napasaka lamang kini sa Sandiganbayan niadtong Agosto 24 sa milabay’ng tuig.

“The accused (Yapha and Cuenco) correctly point out that the prosecution has not sufficiently explained the delay in these cases. There is no explanation to justify the length of time it took the Office of the Ombudsman's conduct of its fact-finding investigation and even its conduct of the preliminary investigation,” sigon pa sa Sandiganbayan.

Kahinumduman nga sa tuig 2005, giendorso ni Yapha ug Cuenco ang Kasosyo Foundation Inc. nga mopatigayon sa ilang proyekto gamit ang ilang PDAF.

Subay sa maong proyekto, mipalit ang Kasosyo og 4 mil ka botelya sa liquid fertilizer nga mikantidad og P6 milyones sa kinatibuk-an.

Apan nahibaw-an sa Ombudsman nga way public bidding nga gihimo alang sa pagkuha sa serbisyo sa Kasosyo nga giingon usab nga kuwang og kasinatian sa pagpatigayon sa proyekto.

"Despite Kasosyo's failure to comply with the legal requirements, respondents Cuenco and Yapha unequivocally endorsed said NGO without providing any reason or justification for their choice and without first ascertaining if the latter was eligible or qualified," matud sa Ombudsman. (BANAT NEWS)

CUENCO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with