Monthly dues gireklamo sa mga tag-iya og condo units
Brenda D. Batuto (Banat) - January 20, 2017 - 12:00am

CEBU, Philippines - Nangreklamo ang mga tag-iya og condominium units sa may Cebu IT Park, Apas, Dakbayan sa Sugbo tungod kay gipaninglan na sila og monthly dues bisan wala pay pormal nga kahugpungan.

Ang mga condo-owners niadtong Septiyembre nisang-at na og reklamo sa buhatan sa Housing and Land Use Regulatory Board (HLURB) batok sa mga opisyal sa usa ka developer.

Ang mga condo-owners gilangkuban nilang Degni Bono, Filomeno Bono, Remedios Luningning Espino-Bono, Eliel Jan Sarmiento, Eriberto Cabanada, Jr., Tarun Dhanwani, Nathalie Polinar ug Bonna Joy Gabuya. Si Luningning Bono nibutyag nga niadtong Abril 19, 2016, ang ilang condo corporation niisyu og certificate of incorporation pinaagi sa paningkamot sa condo project developer ug sa ilang regular contracted property management corporation.

Apan duha ka semana sa wala pa ang incorporation, ang developer ug ang property management corporation nipili og lima ka incorporators diin kasagaran sa maong gitudlo dunay mga posisyon sa kompaniya sa developer ug sa ilang mga affiliate corporations ug maoy nilangkub sa incorporating (interim) board of trustees.

Human sa incorporation, ang incorporating (interim) BOD nigama og management contract tali sa property management corporation.

Ang property management corporation regular kini nga gikontrata sa developer nga mag-manage sa ilang condo projects sa dili pa kini ma-turnover ang condo units sa mga unit buyers. Si Luningning Bono nipasangil nga silang mga condo owners wala’y kalibutan sa maong kalihukan sa developer ug property management corporation.

Matud niya nga subay sa ilang by-laws niadtong Septiyembre 24, 2016 mao unta ang ilang unang annual general membership meeting. Mao sab unta kini nga petsa aron sila mag-organize og condo corporation pinaagi sa pagpili og mga legitimate nga BOD apan wala sila ipatawag og meeting.

Ang kampo nila ni Bono nikuwestiyon kung ang incorporation BOD balido ba ang pagpatuman niini og corporate power ug kung ang incorporating BOD balido ba ang paggama niini og management contract tali sa property management corporation nga wala iapil ang mga condo corporation member.

Gikuwestiyon sab sa habig ni Bono kung ang unang AGM meeting subay ba sa ilang by-laws nga makanselar nga wala’y notisya o explanation. Dugang ni Bono nga hangtud karon ang ilang condo corporation wala pay formal nga organization. – BANAT NEWS

CONDO UNITS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with