Mananga River palawman paglikay sa peligro
Gabriel Bonjoc (Banat) - January 12, 2017 - 12:00am

CEBU, Philippines - Gitinguha nga palawman ang Mananga river sa dakbayan sa Talisay aron malikay sa peligro ang namuyo duol niini. Gipahibawo ni City of Talisay Engr. Gamaliel Gam nga taud-taud na nga plano sa mga opisyal sa siyudad nga palawman ang sapa sa Mananga hangtud nga nabanhaw na sab kini sa administrasyon ni Mayor Eduardo Gullas. Ang pagsige og uwan maoy nakapabalaka kanila tungod kay moawas man ang sapa hangtud nga nagdala og peligro sa mga namuyo duol niini.

 Asoy pa ni Engr. Gam nga gusto ni Mayor Gullas nga tarungon nila ang gigikanan sa tubig sa sapa nga anaa sa Barangay Jaclupan paingon sa Barangay Biasong.  Ila sab himuan og riprap aron dili na mogawas ang tubig kun kini mosaka.

 Nasayran nga ang sapa sa Mananga aduna’y gitas-on nga 10 kilometros. Dugang ni Gam nga nitipas ang tubig sa sapa gikan sa niagi pang mga katuigan. Ug tungod niini daghan sa mga residente sa lugar ang nihangyo nila nga ilang butangan og koral ang ilang luna aron dili kini makan-an sa sapa.

 Gitataw sa engineer nga ila pa unya kining iproseso ngadto sa buhatan sa Department of Environment and Natural Resources aron mahimo nila ang maong plano. (BANAT NEWS)

MANANGA RIVER
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with