Nasikop sud sa drug den
CEBU, Philippines - Nasikop sa kapolisan ang pito ka tawo sa nagkadaiyang lugar sa Metro Cebu sa kalambigitan sa ilegal nga drugas.
Unang nasikop sa may Lower Lipata, Minglanilla mao sila si Allan Picedas, Serlito Omalay, Danny Dela Peña, Rojin Villasencio ug Philip Jake Hereula.
Matud sa hepe sa Minglanilla Police Station, Chief Inspector Dexter Calacar, nga nakadawat sila og taho may kalabutan sa presensya sa mga dinakpan sa usa ka drug den hinungdan nga nipahigayon sila sa operasyon.
Laing nasikop sa buy-bust operation sa Barangay Ermita, Dakbayan sa Sugbo mao si Juvelyn Milan ug nakuha gikan kaniya ang unom ka gagmay ug tulo ka medium-size sa gituohang shabu.
Samtang sa Cambaro, Dakbayan sa Mandaue nasikop sa buy-bust operation mao si Aldwin Gonzaga ug nakuha gikan kaniya ang 16 ka gagmay nga pakete sa shabu lakip ang P200 nga buy-bust money. (BANAT NEWS)
- Latest
