Si Police Officer 2 Ronald Gomez sa Danao City Police Station niila sa biktima nga si Arcile Juntilla Erpe, 44-anyos, minyo nga nagpuyo sa maong dapit.
File photo
Babaye gipusil nga natulog
Romeo T. Limpangog (Banat) - December 30, 2016 - 12:00am

CEBU, Philippines – Patay ang usa ka babaye nga nalakip sa mga drug personalities sa kapolisan human gipusil sa duha ka lalaki nga nagtaptap og panapton sa ilang nawong sa Manlayag Patag, Dakbayan sa Danao alas 2 pasado sa niaging kadlawon.

Si Police Officer 2 Ronald Gomez sa Danao City Police Station niila sa biktima nga si Arcile Juntilla Erpe, 44-anyos, minyo nga nagpuyo sa maong dapit.

Matud ni Gomez nga diha sa sulod sa ilang panimalay ang biktima dihang gisaka sa duha ka wala hiilhing lalaki nga nagtaptap og panapton sa ilang nawong ug gipusil kini samtang natulog.

Human sa pagpamusil ang duha ka wala hiilhing lalaki ang dali sab nga nisibat nga nagsakay og motorsiklo.

Ang biktima nga nakabaton og samad pinusilan sa iyang mata, ilong, dunggan ug uban pang bahin sa kalawasan ang nakabsan gyud sa iyang gininhawa nga wala na madala sa tambalanan.

Si Gomez niingon nga ang biktima nga babaye ang nalakip sa ilang listahan sa mga drug personalities apan hinuon dili pa nila matataw ang hinungdan sa maong pagpamusil sanglit mohimo pa sila og dugang imbestigasyon.

Samtang sa Barangay Lumbang, Lungsod sa Consolacion laing duha ka gidudahang pushers og shabu ang nadakpan sa buy-bust operation.

Si Senior Police Officer 2 Francisco Perez sa Consolacion Police Station niila sa mga nadakpan nga sila si Joel Quimod Maglasang alas Jaycards, 38, ug Alley Alivio Lacio alyas Maning, 25, pulos nagpuyo sa maong dapit.

Matud ni Perez nga nakadawat sila og taho labot sa nagpadayong ilegal nga kalihukan ni Maglasang hinungdan nga gihimo ang buy-bust operation.

Dugang ni Perez nga si Lacio ang lakip sa gisikop ug nasakmit gikan kanila ang unom ka gagmay nga pakete sa shabu ug P300 nga buy-bust money. - /GMR) (BANAT NEWS)

TRAVEL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with