^

Banat Balita

Espenido tarong

Rowena D. Capistrano - Banat

CEBU, Philippines - Gipasanginlang big time drug lord sa Eastern Visayas nga si Kerwin Espinosa mibakwi sa iyang mga pamahayag batok sa hepe sa Albuera Police Station nga si Chief Inspector Jovie Espinido nga kini nagdawatan og drug payola gikan kaniya.

Si PNP Chief Director General Ronald “Bato” Dela Rosa sa report sa Philstar.Com nagkanayon nga nagkaestorya silang duha ni Kerwin pipila ka adlaw human sa pagtestigo niini sa Senado.

Ang Senate committee on justice nagpahigayon og inquiries bahin sa kamatayon sa amahan ni Kerwin nga si kanhi Albuera mayor Rolando “Daddy Onik” Espinosa Sr. sud sa Baybay Sub-Provincial Jail sayo ning bulana.

Si Kerwin mibutyag didto sa Senado nga apil si Espenido sa mga police officials nga nagdawatan og kwarta gikan kaniya ug ang paggukod ni Espenido sa amahan ni Kerwin matud pa tungod kini sa pagdumot sa maong polis sa iyang amahan.

Apan si Dela Rosa atubangan sa mga tigbalita miingon nga si Kerwin miangkon nga sa pagkatinuod si Espenido tarong ug limpyo nga polis.

Tungod sa pagbakwi ni Kerwin ug pagklaro niini sa iyang mga pasangil batok kang Espenido mas midako ang pagsalig karon ni Dela Rosa sa maong hepe sa Albuera Police Station. Si Espenido mipasaka og kaso batok sa 50 ka mga personalidad nga matud pa nalambigit sa illegal drug trade diha sa Eastern Visayas apil niini si Senadora Leila De Lima, mga lokal nga kapolisan, mga local officials ug sibilyan.

Nakahilak si Dela Rosa atol sa pagpresentar kang Kerwin sa Senado human nga siya gipahinumdoman ni Sen. Miguel Zubiri sa kadako sa papel sa kapolisan sa pagprotihir sa kaugmaon sa mga kabataan ug ang kadaghan sa mga kurap nga mga polis maoy nakaingon sa pagkawagtang og pagsalig sa publiko sa kapolisan.

Si Dela Rosa emosyonal nga namahayag nga dili niya mabasol ang publiko nga nawad-an na og pagsalig kanila tungod kay aduna gyuy pipila ka mga polis nga nasuwaw sa gidlak sa kwarta ug siya mismo miangkon nga wala na siya kahibawo kun kinsay kaaway ug kauban sa ilang organisasyon tungod sa kadako ug kalawom na sa ugat sa ilegal nga drugas diha sa PNP.

Si Espenido nitambong sa maong hearing nakugang sa pasangil kaniya ni Kerwin apan iyahang gipanghimakak ang akusasyon.

Apan human sa pagbakwi ni Kerwin sa akusasyon niya batok kang Espenido dako ang pagpasalamat sa maong opisyal ngadto sa Kahitas-an nga nigawas gyud ang kamatuoran.

Si Espenido nga nakahinabi sa Banat News miingon nga dako kaayo ang iyang pagsalig sa Kahitas-an kay wala man siyay mga paryenteng heneral o mga politiko nga iyang kadangpan.

Matud niya trabaho ra  ang iyang gihimo hinungdan kanunay gayud siyang nagmatngon ilabi na sa dihang nagsugod ang gihingusgang kampanya batok sa ilegal nga drugas.

Awhag ni Espenido ngadto sa mga drug lords nga nagpabilin gihapon nga naglihok nga moundang na tungod kay dili magmalinawon ang usa ka lugar pinaagi sa pagpanakop ug pagpatay sa mga nalambigit niini.

Giangkon usab ni Espenido sa nagpadayon nga Senate inquiry, nasagmuyo siya og gamay kay ang iyang pagtuo “in aid of legislation” apan wala man hinuon siya hatagi og kahigayonan nga makapadayag sa tanang punto sa ilang gihimo.

Gipahibalo usab ni Espenido sa Banat News, karong Disyembre 5 hingpit nang ihatud sa iyang pahulayang dayon si mayor  Espinosa. (FREEMAN)

CHIEF INSPECTOR JOVIE ESPINIDO

Philstar
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with