Singaporean ambassador nibisita sa Oslob taliwala sa travel ban
Jojo C. Ugdol (Banat) - November 28, 2016 - 12:00am

CEBU, Philippines - Bisan pa man sa gipagawas nga travel advisory, wala nagpapugong ang ambassador sa nasud sa Singapore dinhi sa Pilipinas nga mobisita sa habagatang bahin sa probinsya sa Sugbo ilabi na sa Lungsod sa Oslob.

 Niadtong nakalabay nga adlaw, naabot sa Oslob si Kok Ling Peng ug kini nibisita sa mga tourist destination sa maong lungsod ilabi na ang pagtan-aw sa mga butanding o whale shark nga nahimutang sa Barangay Tan-awan.

Ang pagbisita sa Singaporean ambassador nahitabo human nipagawas og travel ban ang mga nasud sa Canada, United Kingdom ug Amerika sa habagatang bahin sa lalawigan sa Sugbo.

Sa gipadangat nga impormasyon gikan sa buhatan sa director sa kapolisan sa probinsiya sa Sugbo, si PSSupt. Eric Noble niingon nga si Ambassador Kok Ling Peng  wala motuo nga adunay hulga sa terorismo sa habagatang Sugbo.

Ang mayor sa maong lungsod nga nahinabi ni Noble niingon nga imbis mominos ang mga turista gumikan sa travel ban, mas nidaghan pa hinoon ang mga bisita sa ilang lungsod.

Gipasalig sab sa kapolisan nga mas pahugtan pa nila og maayo ang seguridad nga ilang gipatuman karon sa probinsya sa Sugbo aron pagsiguro nga padayon ang kahapsay ug kalinaw ug luwas ang tanan nga mobisita sa mga nagkadaiyang tourist destinations sa lalawigan. (BANAT NEWS)  

SINGAPOREAN AMBASSADOR
Philstar
Facebook
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with