_banat
^

Banat Balita

Meat section sa Carbon dumalahon ni Dr. Utlang

Rene U. Borromeo - Banat
Meat section sa Carbon dumalahon ni Dr. Utlang
Carbon, apan gitataw niya nga ang mga tindera dumalahon gihapon sa market administrator. Matud niya nga ang iyang tumong mao ra gyud ang pagpahapsay sa pagpamaligya og karne, ingon man ang pagsiguro nga luwas nga kan-on sa mga tawo ang ilang produkto.
Philstar.com/File

CEBU, Philippines - Ang opisina ni Cebu City Veterinarian Dr. Alice Utlang mao na ang modumala sa meat section sa Carbon Public Market aron sa pagsiguro nga ang mga karne ug isda nga ibaligya diha luwas nga kan-on sa tawo. Gibutyag ni Utlang nga giuyonan ni Mayor Tomas Osmeña ang iyang sugyot nga siya maoy modumala sa meat section sa merkado sa Carbon, apan gitataw niya nga ang mga tindera dumalahon gihapon sa market administrator. Matud niya nga ang iyang tumong mao ra gyud ang pagpahapsay sa pagpamaligya og karne, ingon man ang pagsiguro nga luwas nga kan-on sa mga tawo ang ilang produkto.   

Human nga gisirad-an sa dakbayan ang ihawan sa siyudad diha sa North Reclamation Area ang mga meat inspectors nga sakop ni Utlang  gipangdestino na sa kamerkadohan. Tungod niini, daghang mga karne nga giihaw bisan og wala ma-inspection ang hayop sa mga meat inspectors ang gipangsakmit sa iyang mga sakop tungod kay nakalapas kini sa sanitary code.

Ang balaod naglatid nga ang kahayopan sa dili pa ihawon kinahanglang ipatan-aw usa og meat inspector aron masuta kun wala ba kini sakit nga makadaot sa panglawas sa katawhan.

Kaniadtong miaging adlaw, 117 ka inihaw nga manok ang gisakmit sa mga meat inspectors kay ang karne daghang mga lagom ug gituohan nga mga bun-og kini sa pag-transport kanila sa buhi pa.

Gitambagan ni Utlang ang mga negosyante og kahayopan nga ang ilang produkto ampingan nila sa dili pa ihawon aron walay mga bun-og ang karne nga mosangpot ra hinuon nga kini sakmiton nila. Gipasalig ni Utlang nga sa ilang pagdumala sa meat section, han-ay kini og luwas gyud nga kan-on sa tawo ang mga karne nga ilang paliton. (BANAT NEWS)

MEAT SECTION
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with