Dakong drug lord sa Sugbo nilayas
Joy Cantos (Banat) - June 8, 2016 - 12:00am

CEBU, Philippines - Milayas na dinhi sa rehiyon ang usa ka gituohang dako nga drug lord nga nagpuyo dinhi sa Metro Cebu sumala pa ni Chief Supt. Patrocinio Comendador Jr., ang director sa kapulisan sa Police Regional Office-7.

Matud pa ni Comendador nga ang paglayas sa maong drug lord posibleng gumikan sa sagunson nga kampanya batok sa ilegal nga drugas nga misangpot na sa pagkamatay sa pipila ka mga drug personalities sa rehiyon.

“Naay usa ka lugar diri sa Metro Cebu nga gitutukan nato nga drug group, base on my recent efforts there, bakante na ang mga areas nga gitagoan nila. Base also on our report they are transferring to other locations other than Cebu,” pasabot pa ni Comendador.

Gihulagway ni Comendador nga ang maong drug lord mas daku pa ni Yawa kadtong napatay sa kapulisan sa Isla sa Banacon, Bohol o si Rowen Secretaria.

Apan gipasabot niini nga base sa ilang pagpaniid duna pa gihapoy mga dagkong personalidad nga nalambigit sa drugas ang anaa pa dinhi.

Gipaabot nga mosamot og kanihit ang supply sa drugas dinhi sa rehiyon tungod sa pagpanglayas ug pagkapuhag sa mga grupo sa sindikato sa shabu.

Sa laing bahin, sa Lungsod sa Consolacion nadakpan sa buy-bust operation ug nasakmitan og dul-an sa P100 mil nga kantidad sa shabu ug armas nga kalibre .357 ug mga bala niini.

Ang nadakpan mao sila si Armando Ybañez Urbanol Jr., alyas Isyot, 24,  Wilfredo Bimanos Quismondo, 47. Laing nadakpan mao si  Rogelio Pepito Cugay Jr., 40.

Si Urbano nasakmitan og mokabat sa P68,556 nga kantidad sa shabu ug armas ang ilang nasakmit kang Quismondo. Samtang si Cugay nasakmitan og mokabat P69,994 nga kantidad sa shabu.

Sa laing operasyon, duha ang nadakpan ug mokabat sa kapin P200 mil nga shabu ang nasakmit sa managlahing pagpangronda sa kapulisan sa Sitio Lawis, Brgy. Campo sa Lungsod sa San Francisco.

Ang dinakpan giila nga si Mike Angelo Petere, alyas Gelo, human napalitan og usa ka pakete sa gituohang shabu. Nakuha usab kaniya ang mga pinaketeng shabu nga mikantidad og P98 mil. Si Petere nakuhaan usab og usa ka .45 caliber pistol, usa ka magazine ug lima ka mga bala.

Samtang sa Lungsod sa Liloan, mikabat sab sa P141 mil ang nakuha gikan sa 29 anyos nga si Alfie Sungahid diha sa Brgy. Jubay. Jojo C. Ugdol ug Romeo Limpangog (BANAT NEWS)

RICARDO MARQUEZ
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with