PO3 Regis, laing 13 ka polis gipasidunggan
Sheriza Mae R. Uy (Banat) - May 24, 2016 - 12:00am

CEBU, Philippines - Pormal na nga gipasidunggan si Police Officer 3 Julius Regis og Medalya ng Kagalingan kuyog sa laing 13 ka polis sa Police Regional Office-7.

Si PRO-7 Director Patrocinio Comendador ang nihatag sa pasidungog sa Cebu City Police Office (CPPO) Headquarters atol sa flag raising ceremony kagahapon sa buntag. Si Regis kinsa sakop sa City Intelligence Branch (CIB) ang nakaresponde sa tulis sa usa ka public utility jeepney sa niaging semana sa Archbishop Reyes Avenue, Dakbayan sa Sugbo.

Sa pakighinabi sa mga tigbalita kang Regis iyang gibutyag nga iyang ipahinungod ang medalya sa tanan tungod kay giswelduhan siya sa gobiyerno ug iyang responsibilidad ang pagprotektar sa katawhan.

Si Regis off-duty niadtong higayuna dihang usa ka pasahero sa PUJ nga si Bernardita Barbosa, 65, niingon nga gitulis sila. Gipusil ni Regis ang duha ka suspek nga sila si Nestor Benavente ug Armand dela Cerna nga pulos residente sa Cogon, Dakbayan sa Ozamis.

Gawas sa medalya gikan sa PRO-7 nakadawat usab og P20 mil si Regis gikan ni Cebu City mayor-elect Tomas Osmeña.

Matud ni Comendador nga ang paghatag sa award usa ka pag-ila sa mga polis nga naghimo sa ilang trabaho. Gawas kang Regis, pipila ka sakop sa City Anti-Illegal Drugs Special Operation Task Group ang gipasidunggan sa malampusong buy-bust operation niadtong Mayo 19 sa Barangay Sudlon 2 batok kang Teodoro Cabriana kinsa napatay human nisukol.

Ang CAIDSOTG nga gipangulohan ni Police Inspector Eunil Avergonzado nakakuha og 106.02 gramos sa shabu nga kantidad og P1.2 milyones ug armas nga caliber .45. Nunot niini gihagit ni Comendador ang kapolisan sa CCPO nga padayon nga makigbisog batok ilegal ug mga high value targets ug mga drug lords. (BANAT NEWS)

 

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with