Mag-uuma gitabangan og patay sa amahan ug anak
Sheriza Mae R. Uy (Banat) - May 23, 2016 - 12:00am

CEBU, Philippines - Patay ang usa ka 46-anyos nga lalaki kay gitabangan siya og dunggab sa amahan ug anak gamit ang pinuti kaniadtong Sabado sa hapon didto sa bukirang bahin sa Sitio Regla, Brgy. Salug, Dalaguete.

Ang kapolisan miila sa namatay nga mao si Camilo Cartilla, mag-uuma ug taga Barangay Salug. Ang amahan ug anak nga sila si Bartolome Ybañez, 55, ug Gabriel, hingkod ang panuigon, maoy gitumbok nga mipatay sa biktima.

Matud ni PO2 Reynaldo Vias nga gitan-aw nila ang posibleng personal nga panagbangi sa suspetsado nga si Bartolome ug ni Camilo nga maoy hinungdan sa pagpatay.

Sa wala pa mahitabo ang dinunggabay, giingon nga naglalis pa ang duha hangtod nga sila nagkasambunot. Matud pa nga natumba si Cartilla mao nga si Ybañez nakahigayon sa pagdunggab sa tiyan sa kontra.

Apan ang asawa ni Cartilla nga si Flordelina midali pagkuha og bato ug gipukpok ang ulo ni Ybañez hinungdan nga nabuhian ang gigunitan niini nga pinuti.

Ang mga nakakita miingon nga kalit lang niabot ang anak ni Ybañez nga si Gabriel ug gikuha ang pinuti sa iyang amahan ug gihansakan pag-usab ang tiyan ni Cartilla.

Ang mga isog-isog nga silingan nitabang ug nikuha sa pinuti gikan kang Gabriel.

Ang samaran nga si Cartilla gidala sa ospital apan ang mga doktor mideklarar nga patay na kini sa iyang pag-abot.

Matud pa nga ang suspetsado nga si Bartolome nadakpan sa kapolisan apan nakaikyas ang iyang anak nga si Gabriel. (BANAT NEWS)

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with