11 anyos namatay sa piso-pisong kompyuter
CEBU, Philippines - Nakuryentihan patay ang usa ka 11-anyos nga batang lalaki human nakuryentihan diha sa piso-pisong kompyuteran sa Sitio Daruhan, Brgy. San Roque, Dakbayan sa Talisay kagahapon sa buntag.
Ang bata mao si Jeffrey Manigo Flores nga nagpuyo sa nahisgutang lugar.
Si Senior Police Officer 1 Mikie Espina sa Talisay City Police Station nagkanayon nga nagduwa ang bata diha sa kompyuteran nga gipanag-iya ni Dhon Jason Saragena.
Apan nakuryentihan ang bata human makahikap sa mga wire diha sa luyo sa kompyuter nga giingong gikubi-kubian niini.
Matud pa ni Espina nga si Saragena mialegar nga gusto sa namatay nga dili na magsige og hagbong og piso ug gidudahan niyang gisuwayan niini pagkubi-kubi ang mga wires apan nakuryentihan kini.
Gidala sa Talisay City District Hospital ang bata apan gideklarar kini nga dead on arrival. (BANAT NEWS)
- Latest