Maestra gikawatan sulod sa simbahan
Jojo C. Ugdol/GMR (Banat) - February 22, 2016 - 9:00am

CEBU, Philippines - Nagtingkagol sa selda sa Dalaguete Police Station ang 30-anyos nga lalaki nga nikuha sa usa ka pouch nga duna’y sulod nga salapi gikan sa usa ka maestra sulod sa simbahan sa Barangay Poblacion pasado alas 8 sa buntag niadto’ng Domingo.

Ang biktima giila nga si Ediza Ferolino Buena, 33, taga Suba, Poblacion samtang ang suspek mao si Daniel Garcia, taga La Paz, Poblacion.

Matud ni Police Officer 2 Reynaldo Vidas, desk officer sa Dalaguete Police Station, samtang  nanimba ang maestra kuyog ang iya’ng pamilya iya’ng gibutang ang pouch tapad sa iya’ng lingkuranan nga duna’y sulod nga P33, 500 apan kalit lang nahanaw.

Nabantayan sa mga biktima nga ang suspek mao ang naglingkod sa duol nila hinungdan nga ila’ng gipangita hangtud nga nakit-an nga nisutoy og dagan.

Sumala pa ni Vidas nga ang mao’ng salapi giandam alang sa ila’ng palitonon nga pisa sa sakyanan.

Sa gihimo nga follow-up operation sa kapolisan, ila’ng nadakpan si Garcia duol sa ila’ng balay ug narekober ang gikawat nga salapi.

Si Vidas niingon nga duna na usab diay laing mga reklamo nga nadawat ang kapolisan gikan sa laing mga tawo batok ni Garcia kay kini manghilabot sa mao’ng dapit.

Gipasabot ni Vidas nga sa ila’ng nabantayan ug nahibaw-an posible’ng duna’y problema sa huna-huna ang suspek apan kini niingon nga ang korte na ang bahala kung mapamatud-an ang mao’ng pagduda.

Karong adlawa gipaabot sa kapolisan ang maestra nga mopakita sa ila’ng buhatan aron hingpit nga mapasaka ang tukma’ng kaso batok sa suspek. (BANAT NEWS)

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with