^

Banat Balita

Ubang taga Ibabao-Estancia sa mall mobotar

Decemay P. Padilla/GMR - Banat

CEBU, Philippines - Gitinguha sa Commission on Elections ang pagbutang sa ubang presinto sa Barangay Ibabao-Estancia, Dakbayan sa Mandaue ngadto sa Pacific Mall sa eleksiyon karong Mayo 9.

Usa ka public hearing ang gipahigayon sa Comelec aron kuhaon ang opinyon sa mga residente kung uyon sila o dili nga upat ka presinto sa barangay ang ibalhin sa mall.

Ang barangay adunay 6,040 ka botante sa siyam ka clustered precincts.

Si Provincial Election Officer, Atty. Ferdinand Gujilde, ang nangulo sa public hearing nga gitambungan lang sa 44 ka rehistrado’ng barangay.  Kung madayon ang plano, ang clustered precincts nga ibalhin mao ang 03581 ug 0372P1 nga may 2,462 ka botante.

Ang magpabilin sa Ibabao Elementary School mao ang 0339A ug 0357A.

Ang rason ngan adto sa mall himuon ang pagbotar mao ang kahamugaway sa mga botante. 

Atol sa public hearing adunay nipadayag sa pagsupak kinsa usa niini si Anacorita Carpio, retired teacher, kinsa nagkanayon nga hasol na alang nila kung ibalhin pa sa mall ang upat ka presinto ug maayo lang kini alang niadto’ng mga nagpuyo duol sa mall.

Apan alang kang Joseph Jumantoc, pangulo sa Office of the Differently-Abled Persons Affairs sa dakbayan, nga maayo ang plano sa Comelec ilabi na nila nga mga may kabilinggan.

Hinuon nagkanayon si Gujilde nga ang tanang opposition ug suggestion nga ila’ng nakuha ila kini’ng ipadala sa ulohang buhatan ug huwaton ang final decision sa Comelec Manila.  (BANAT NEWS)

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with