^

Mayor Rama balik na sa City Hall

Jean Marvette Demecillo/EIM (Banat) - February 7, 2016 - 9:00am

CEBU, Philippines - Molingkod na pagbalik isip mayor sa dakbayan si Cebu City Mayor Michael Rama human siya masuspenso og duha ka bulan.

Opisyal nga mobalik sa iyang posisyon ugmang adlawa si Rama tungod kay holiday pa karon tungod sa pag-celebrate sa Chinese New Year.

Usa ka Santos nga Misa ang ipahigayon sa Plaza Sugbo sa gawas nga bahin sa City Hall karong buntag aron sa pag-welcome sa pagbalik ni Rama. Matud ni Vice Mayor Edgardo Labella nga human niini mohatag siya og report sa iyang mga nahimo niadtong suspendido ang mayor.

Sigon ni Rama nga “ordinary day” lang karong adlawa ug wala siya kahibalo sa unsay gipreparar sa taga City Hall sa iyang pagbalik.

“I felt that I was not suspended at all actually because I didn’t deserve the suspension, too,” matud ni Rama.

Kini tungod kay miapil gihapon siya sa preparasyon sa Sinulog 2016 ug sa International Eucharistic Congress.

Niadtong Disyembre 10,2015, giimplementar sa Department of Interior and Local Government ang preventive suspension ni Rama samtang nagpadayon ang imbestigasyon sa kasong administratiba nga gipasaka ni Labangon Barangay Captain Victor Buendia.

Si Buendia mipasangil nga miabuso si Rama sa iyang gahom isip mayor human gipaguba ang median structure nga proyekto sa barangay nga gihulagway sa mayor nga peligro kaayo sa mga motorista.

Malaumon sab si Labella nga wala na unta’y suspension nga mogawas batok sa mayor.

Sugod karong Pebrero 9, ginadili na ang pag-implimentar og suspension sa mga elective officials base sa Section 261 of the Omnibus Election Code nga wala’y approval sa Commission on Elections.

Samtang, si DILG hearing Officer Isidro Barrios III mitugot sa mosyon sa kampo ni Rama nga “completely suspend the proceedings” nga gikatakda untang tukion pagbalik ugmang adlawa.

Matud ni Barrios, base Section 62 (c) sa Local Government Code of 1991, magsugod ang election ban sa imbestigasyon sa mga administrative cases batok sa mga elective officials.

Tungod niini, suspendido usab ang imbestigasyon bahin sa kasong gipasaka ni Buendia hangtod mahuman ang election ban alang sa May 9 nga national and local elections.  (BANAT NEWS)

 

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with