Salida kabahin ni Don Vicente Rama

(Banat) - February 4, 2016 - 9:00am

CEBU, Philippines - Usa ka talagsaong kompetisyon sa mga Sugboanon ang gilusad alang sa umaabot nga 79th Charter Day sa Dakbayan sa Sugbo.

Giawhag sa Cebu City government ug sa Cebuano Cinema Development Council ang mga filmmakers paghimo og dili molapas sa lima ka minutos nga salida sulod sa 79 ka oras.

Ang maong kompetisyon gitawag og “79 0ras Salidagan Sugbo 2016: The Don Vicente Rama Movie Challenge.”

 Ang Salidagan kombinasyon sa mga pulong  nga “salida” ug “dagan” kung diin ang paghimo sa salida himuon lamang sa 79 ka oras.

 Kini nga kompetisyon gibuhat aron pagbuhi sa kagahapon ni Don Vicente Rama kun kinsa mas naila nga “Father of the Charter” sa pagkakaron.

Ang mga entrante makapili og bisag-unsang genre apan kinahanglan nga pulong binisaya lang ang gamiton niini ug dili molapas sa lima ka minuto. 

Ang mga official entry magsangka sa top 3 nga puwesto. Aduna usab magtigi sa Best Picture, Jury’s Choice ug Audience Choice.

Karong umaabot nga Pebrero 18, alas 9 sa buntag, adunay registration sa tanan nga gustong moapil diha sa Cebu City Social Hall.

 Walay bayad ang maong kompetisyon ug ang mga moapil hatagan og kit nga adunay sulod nga criteria ug sumbanan sa maong kompetisyon.

 Lakip usab   niini ang mga piniling linya nga gilitok ni Don Rama nga maoy gamiton ug basehan sa paghimo sa salida.

Didto sa napiling linya motuyok ang estorya sa salida. Ang 79 ka oras magsugod human sa pagahimuon nga orientation.

Ang deadline sa pagduso sa mga official entries gitakda karong Pebrero 22.

Ang mga modaug nga salida ipakita sa Pebrero 24 atol sa kasaulogan sa Charter Day.  Ang tanan nga modaog makadawat og cash prizes.

Si Don Vicente Rama mao ang labing  unang Sugboanon nga manunulat nga nahimong senador sa nasud.

Siya mao ang nangusog nga mamahimong siyudad ang Sugbo katumanan sa Commonwealth Act No. 58 niadtong tuig 1936.  (BANAT NEWS)

 

ACIRC ANG ANG SALIDAGAN AUDIENCE CHOICE BEST PICTURE CEBU CITY CHARTER DAY MGA NBSP NGA PEBRERO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with