Simbahan wa masagmuyo sa nibalikas sa IEC diha sa FB

(Banat) - January 28, 2016 - 9:00am

CEBU, Philippines - Ang tigpamaba sa Archdiocese of Cebu Msgr. Joseph Tan, niawhag sa katawhan nga nahasol sa mga kalihokan sa 51st International Eucharistic Congress nga pagpadangat kanila sa ilang mga reklamo diha sa IEC Pavilion.

Si Tan namahayag niini human adunay usa ka babayeng netizen ang nag-post sa Facebook  ug nipadayag sa iyang gibating kasagmuyo tungod sa ka-traffic nga namugna gumikan sa IEC.

Ang maong babaye nga gituohang usa ka ‘trainer’ sa usa ka call center company nag-trending dayon sa social media miani og mga pagsaway tungod sa pagbalikas niya sa IEC nga gihimo pa niyang hashtag ug uban pang mga bati nga mga pulong batok sa Simbahan tungod lang kay siya na-traffic.

Hinuon si Tan miingon nga wala sila nasagmuyo sa gibuhat sa maong babaye kay katungod niini ang mopaguwa sa iyang gibati.

Nangayo si Tan og pasaylo sa mga tawong nahasol sa maong kalihokan apan siya nangayo usab og pagsabot tungod kay molanat pa og  daghang katuigan una pa mausab ang ingon niini nga kalihokan sa simbahan nga anhi himuon sa Sugbo o ba kaha sa Pilipinas.

Nagpasalamat usab siya sa mga tawong nahasol apan nakasabot sa sitwasyon. Matud pa ni Tan andam nilang paminawon kun unsay reklamo nga idangop kanila. Ang 51st IEC nga gihimo karon dinhi sa Sugbo mao pa lang ang ikaduhang higayon nga gihimo kini dinhi sa Pilipinas.

Ang unang IEC nga gihimo dinhi sa Pilipinas nahitabo didto sa Manila niadtong 1937, mao kadto ang ika-33rd IEC sukad nga naumol ang IEC niadtong 1881 didto sa Lille, France. (BANAT NEWS)

ANG FACEBOOK IEC INTERNATIONAL EUCHARISTIC CONGRESS JOSEPH TAN MGA NGA PILIPINAS QUOT SI TAN SUGBO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with