IEC dili lamang para sa mga Romano Katoliko
Edwin Ian Melecio (Banat) - January 24, 2016 - 9:00am

CEBU, Philippines – Dili lamang eksklusibo alang sa mga Romano Katoliko ang mga kalihokan sa 51st International Eucharistic Congress nga pormal gisugdan kagahapon diha sa Plaza Independencia sa Dakbayan sa Sugbo.

Matud pa sa tigpamaba sa Archdiocese of Cebu, Msgr. Joseph Tan, dili tinuod nga para lang sa mga katoliko ang IEC. Gi-organisar kini sa mga Katoliko apan bukas kini alang sa tanan hasta ang mga Muslim, uban pang kristiyano, ug sa mga tawong bukas ang kasingkasing.

“We have no plans of excluding anybody from our gathering,” matud pa niya.

Sumala pa niya, diha palang sa pagparehistro, dili kinahanglang Katoliko o Kristiyano lang ang makatambong.

“We want this to be an open event an occasion to share core beliefs with people who do not share with us. We do not want to exclude anybody,” dugang pa niya.

Matud pa niya, base sa pagtulon-an sa Vatican II,  usa ka dakong hagit kanilang mga kaparian sa Romano Katoliko nga mapalawman ang panagigsuonay sa tanang magtutuo ni Hesukristo ug sa ubang tinuohan bisan pa man sa managlahing  teolohiya ug doktrina nga gisunod sa kada relihiyon.

Si Bishop Mylo Hubert Claudio Vergara, chairman sa Episcopal Commission on Social Communications and Mass Media (ECSCMM) sa Catholic Bishops' Conference of the Philippines, miingon nga gikatakda unyang makigdiyalogo ang mga cardinal ug obispo  sa ubang mga relihiyon.

“In terms of catholic identity and looking on our brothers and sisters, like Muslim we will catechist on that giving the perspective of the community,”  sumala pa niya sa press conference.

Usa ka sanglitanan niini mao ang session nga gihimo ni His Eminence Luis Antonio Cardinal Tagle nga “Catechesis: The Eucharist and the Dialogue with Cultures” karong Huwebes , Enero 28 sa alas- 9-10 a.m.

Ang congress proper magsugod karong adlawa ug ang mga delegado gipaabot nga makig-estorya ug mopaambit sa ilang nakat-onan kabahin sa Eukarestiya ug pagsubay sa ilang misyon isip mga Katoliko.

Samtang giklaro usab ni Fr. Mike Garcia, executive secretary sa CBCP Committee on International Eucharistic Congress (IEC) nga wala pilia ang Sugbo isip venue sa 51st IEC tungod sa umaabot nga ika-500th anibersaryo sa Kristiyanismo sa Pilipinas nga dinhi nagsugod.

Matud pa niya nga ang 51st IEC nahulma sud sa siyam ka tuig nga preparasyon. Apan iyang giangkon nga nahatagan og mas lawom nga kahulogan ang pagpahigayon niini dinhi sa Sugbo tungod sa maong anibersaryo. (BANAT NEWS)

 

ACIRC ANG ARCHDIOCESE OF CEBU CATHOLIC BISHOPS INTERNATIONAL EUCHARISTIC CONGRESS KATOLIKO MATUD MGA NGA ROMANO KATOLIKO SUGBO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with