^

Wa pagtabang sa OFW gisaway ni Garcia

(Banat) - January 24, 2016 - 9:00am

CEBU, Philippines – Gipanghimaraot ni Atty. Winston Garcia ang Kapitolyo sa pagbaliwala sa hangyo nga mauli sa Dakbayan sa Toledo ang patay’ng lawas sa usa ka Overseas Filipino Worker nga namatay sa Saudi Arabia.

Kini human gikataho nga gipasa-pasa lang sa buhatan sa gobernador ngadto sa Provincial Social Welfare and Development Office ang tagtungod sa OFW nga si Lotis Camocamo ug giingnan nga wala’y programa ang mao’ng buhatan sa pag-atiman sa susama’ng kaso.

Si Camocamo namatay niadto pa’ng Oktubre 29 sa niaging tuig ug nagpabilin pa gihapon sa Riyadh hangtud karon.

Matud ni Garcia nga makagasto man gani ang Kapitolyo og P26 milyones sa pagkuha og consultant sa paghimo og plano batok katalagman ingon man pagpalit sa labing mahal nga mga ekipo.

Si Zenaida Yu, ang inahan sa 33-anyos nga OFW, nihangyo na sa Department of Foreign Affairs ug sa Overseas Workers Welfare Administration.

Gipakaminus ug gisaway ni Garcia ang kagamhanan sa probinsiya sa Sugbo nga ang natanyag ra gyud nga tabang niini mao ang paggasto sa pagpalubong unya sa patay’ng lawas ni Camocamo.

Ang gipasabot ni Garcia mao nga gikan sa pagpahigayon nga madala sa Sugbo ang patay’ng lawas sa OFW hangtud malubong kini sa Toledo City. – /EIM) (BANAT NEWS)

ACIRC ANG DEPARTMENT OF FOREIGN AFFAIRS GARCIA KAPITOLYO LOTIS CAMOCAMO NGA OVERSEAS FILIPINO WORKER OVERSEAS WORKERS WELFARE ADMINISTRATION PROVINCIAL SOCIAL WELFARE AND DEVELOPMENT OFFICE SAUDI ARABIA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with