_banat
^

Papal Legate: Pinangga ni Pope Francis ang mga Pilipino

(Banat) - January 24, 2016 - 9:00am

CEBU, Philippines – Dungan sa lingganay sa kampana sa nga gi-montar sa atubangang bahin sa Fort San Pedro sa Plaza Independencia mao sab ang pagsugod sa Santos nga Misa alang sa 51st International Eucharistic Congress kagahapon sa hapon.

Apan sa wala pa magsugod ang misa gibasa usa ang appointment ni Charles Maung Cardinal Bo, Arsobispo sa Yangon sa Myanmar.

Gidawat usab ni Arsobispo Jose Palma ang mga Obispo, kaparian ug delegado nga mitambong.

Nagpasalamat usab si Palma ni Pope Francis sa iyang pagpadala ni Cardinal Bo ug sa paghatag niini og Bibliya isip gasa sa katawhan sa Artsidiyosesis sa Sugbo.

Si Reverend Andrei Vintanilla, mao ang mikanta sa Ebanghelyo ug gisundan sab sa wali ni Cardinal Bo ug sa iyang wali miingon kini nga gihigugma kaayo sa Santo Papa ang mga Pilipino.

Sumala pa ni Bo nga kinahanglan nga  modeklarar ang Pilipinas og Ikatulong Gubat sa Kalibotan.

Ang iyang gipasabot mao ang gubat batok sa kagutom, ang ka-pobrehon, nga maoy nagtukmod sa mga Pilipino sa  paglangyaw, ug ang gubat sa padayon nga "ecological injustice."

Matud pa niya nga ang pagka-Kristiyano karon usahay ang kahulogan niini mao ang presensya sa mga Pilipino sa bisan asang bahin sa kalibotan.

Gani matud pa niya nga “ang mga Pilipino ay nasa lupa, nasa dagat, nasa hangin,” nga miani og masipang pakpak sa mga nanimba.

Apan matud pa niya nga ang pagdumot sa dili kapariha og tinuohan nagkalapad karong panahona ug ang pagka-Kristiyano usahay risgo na.

Matud pa niya nga padayon pagkabuak-buak sa katilingban maoy dakong hagit sa katawhan karon.

“Nanginahanglan kamo og kalinaw, nagkinahanglan ako og kalinaw, nagkinahanglan kitang tanan og kalinaw,” panapos ni Cardinal Bo kinsa nagwali nga sagol binisaya ug tinagalog ang pinulongan. – /EIM) (BANAT NEWS)

ANG APAN ARSOBISPO JOSE PALMA CARDINAL BO CHARLES MAUNG CARDINAL BO FORT SAN PEDRO IKATULONG GUBAT INTERNATIONAL EUCHARISTIC CONGRESS KRISTIYANO NGA PILIPINO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with