^

Training sa water rescue gipahigayon sa Alegria

Brenda Batuto (Banat) - January 20, 2016 - 9:00am

CEBU, Philippines – Nagpahigayon ang Provincial Disaster Risk Reduction and Management Office (PDRRMO) og training sa water rescue operations sa Lungsod sa Alegria.

Si Dennis Cortes, operations chief sa PDRRMO, nibutyag nga ang Kanlaob Falls sa Barangay Compostela usa ka canyoneering site ug daghan ang mobisita hinungdan nga ang lokal nga kagamhanan nihangyo sa mao’ng training sa mga water rescuers. Nikabat sa 30 ka tawo ang nipaubos sa training diin 15 kanila ang mga tour guide ug ang laing katunga mga kawani sa munisipyo. Ang Department of Tourism nipahigayon og training sa mga tour guides apan wala mag-focus sa water rescue. Ang training gipahigayon niadto’ng Enero 11 ug natapos niadto’ng Enero 15 sa lugar diin adunay tour guide nga nalumos duha ka tuig na ang nakalabay. Ang kagamhanan sa Lungsod sa Alegria naglaum nga human sa training wala na’y aksidente nga maglambigit sa canyoneering.

Apan kung ugaling adunay mahitabo, maka-handle na sila sa emerhensiya.

Ang rate sa canyoneering sa lungsod sa Alegria mao ang P50 nga entrance fee, P150 nga abang sa gear ug P500 nga dive fee.

Ang mga turista nga gusto’ng mag-canyoneering pwede nga magsugod sa Barangay Compostela ug motapos sa lungsod sa Badian sa Kawasan Falls. Matud ni Cortes nga nagplano usab sila’ng magpahigayon og seminar training sa mga tour guides sa Badian. – /GMR) (BANAT NEWS)

ACIRC ALEGRIA ANG ANG DEPARTMENT OF TOURISM BARANGAY COMPOSTELA ENERO KANLAOB FALLS KAWASAN FALLS LUNGSOD NGA PROVINCIAL DISASTER RISK REDUCTION AND MANAGEMENT OFFICE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with