_banat
^

Banat Balita

Tanker nayabo, drayber nakaligo sa krudo patay

Jojo C. Ugdol - Banat

CEBU, Philippines – Patay ang drayber sa usa ka Isuzu tanker truck human kini nibalitok sa karsada diha’ng nawad-an og brake sa Barangay Sagay, Lungsod sa Borbon pasado ala una sa nakalabay nga kaadlawon.

Patay na nga nadangat sa Juan Dosado Memorial Hospital sa Lungsod sa Sogod si Jose Gunera, 41, minyo nga taga Barangay Gun-ob, Dakbayan sa Lapu-Lapu ug trabahante sa Petro Logistics Corporation sa Dakbayan sa Mandaue.

Samtang nakaangkon usab og daghang bali sa lawas ang iya’ng pasahero nga si Mylen Solero, 35, taga Barangay Pusok, Dakbayan sa Lapu-Lapu.

Matud ni Senior Police Officer 2 Richeleu Artista, desk officer sa Borbon Police Station, nga duna’y sulod nga 20 mil ka litros nga banker fuel ang tanker truck nga paingon sa Lungsod sa Bantayan.

Apan sumala pa ni Solero nga sa pag-abot sa kurbadahon nga bahin, kalit lang nawad-an og preno ang tanker truck hinungdan nga didto kini nihandos sa bungtod kilid sa karsada ug nibalitok.

Gumikan sa kakusog sa impact nanglusot sa bintana ug nangalukot sa karsada ang duha ka biktima kinsa ang drayber nakaligo pa sa krudo nga nayabo.

Ang mga residente sa mao’ng dapit ang dali nga nidala sa mga biktima sa tambalanan apan wala na natabang sa mga doktor ang drayber.

Si Artista niingon nga nagbanaw sa karsada ang krudo nga karga sa tanker truck ug dali nga gipadala ang fire truck sa lungsod aron sa pagpasirit og tubig sa karsada samtang ang mga barangay tanod ang nagbantay sa pagpalikay sa mga motorista. – /GMR) (BANAT NEWS)

ANG BARANGAY GUN BARANGAY PUSOK BARANGAY SAGAY BORBON POLICE STATION DAKBAYAN JOSE GUNERA JUAN DOSADO MEMORIAL HOSPITAL LAPU-LAPU LUNGSOD NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with