Lolo dakpan namaligya’g shabu
Bryner L. Diaz (Banat) - December 19, 2015 - 9:00am

CEBU, Philippines – Nasikop sa kapolisan ang usa ka lolo nga gidudahang drug pusher ug ang iyang kauban atol sa gipahigayon nga buy-bust operation didto sa Barangay Bakhawan, Daanbantayan kaniadtong Biyernes sa gabii.

Ang mga nasikop mao sila si Simplicio Inot, 61, taga Bakhawan, ug si Ruel Manzanares, 32, taga Barangay Bitoon, Daanbantayan. Silang duha naapil sa Top 10 drug personalities sa Daanbantayan Police Station.

Ang operasyon gihimo human nga nakadawat og taho ang kapolisan kabahin sa ilegal nga kalihokan ni Inot.

Sa wala pa himoa ang buy-bust operation, gipanid-an sa kapolisan ang tiguwang ug namatud-an gyud ang iyang ilegal nga kalihukan.

Si Daanbantayan Police Chief Roger Balansag mimando dayon sa iyang mga sakop nga himoan og operation si Inot.

Gamit ang P200 nga buy-bust money, gipalitan nila si Inot og shabu apan sa pagpahigayon sa transaksyon miapil si Manzanares hinungdan sa pagkasikop sa duha.

Nasakmit gikan ni Inot ang 11 ka pakete nga shabu ug ang buy-bust money, lakip na ang iyang cellphone, samtang si Manzanares nakuhaan sab og usa ka pakete nga shabu, drug paraphernalia ug ang iyang cellphone.

Matud pa nga si Inot maoy nag-una sa listahan sa kapolisan samtang si Manzanares ika-upat sa ilang listahan.  (BANAT NEWS)

 

ANG BARANGAY BAKHAWAN BARANGAY BITOON DAANBANTAYAN DAANBANTAYAN POLICE STATION INOT MANZANARES NGA RUEL MANZANARES SI DAANBANTAYAN POLICE CHIEF ROGER BALANSAG SIMPLICIO INOT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with