^

Tunghaan sa Babag natumbahan og kahoy

(Banat) - December 19, 2015 - 9:00am

CEBU, Philippines – Usa ka tunghaan sa Barangay Babag dakbayan sa Sugbo ang natumbahan og duha ka dagkong punoan sa kahoy atol sa kusog nga pagbunok sa uwan niadtong Biyernes sa gabii.

Matud ni Cebu City Disaster Risk Reduction Management Council Head Simeon “Sim” Romarate nga nakadawat sila sa report gikan sa barangay nga natumbahan ang usa ka school building nga gitukod sa Ramon Aboitiz Foundation Inc. sa ilang dapit.

Wala pa maadto sa CCDRRMC ang lugar kagahapon tungod kay delikado pa ang maong dapit ilabi na nga nagpadayon pa gihapon ang pagbunok sa uwan.

Hinuon walay naangol sa pagkatumba sa dakong puno-an nga nahimutang sa kilid sa tunghaan.

Samtang si Acting Mayor Edgardo Labella nagkanayon nga makigtagbo siya sa Local School Board kabahin sa nahitabo. Suway nga gitawagan sa Banat News si Barangay Babag Kapitan Dolorito Cesar apan dili kini matawgan.

Samtang aduna usab tulo ka poste sa Barangay Inayawan ang natumba ug usa ka motor ang natumbahan usab sa puno-an , wala hinuoy naangol sa maong insidente.

Sa laing bahin, gipaubos sa blue alert sa Dakbayan sa Mandaue ang 27 ka barangay  agi og pangandam sa mga hulga sa dautang panahon lakip na ang bagyong Onyok nga nahimo na lang karong Low Pressure Area apan nagdala gihapon og daghang uwan.

Si Melvin Montejas sa City Disaster Risk Reduction and Management Council  (CDRRMC)  nga nahinabi sa Banat News miingon nga way puas ang ilang pag-monitor sa kabarangayan, hinuon way natalang mga insidente sa nanglabay nga mga adlaw.

 Sumala pa sa PAGASA sa report sa Philstar.Com, kasarangan ngadto sa may pagkamakusog nga bunok sa uwan ang padayong masinati sa pipila ka bahin sa Mindanao ug Kabisay-an tungod sa epekto sa low pressure area (LPA) ug tail-end of a cold front.

Ang LPA naporma human nga nihinay ang bagyong “Onyok” diha sa Ampatuan, Maguindanao, ug nagdala kini og madag-umong kalangitan uban sa kasarangan ngadto sa pagbunok nga pag-uwan, panugdog ug kilat sa CARAGA region, Central ug Eastern Visayas lakip na sa Misamis Oriental, Misamis Occidental, Davao Oriental, Aurora ug Quezon.

Tungod niini, ang PAGASA mipahimangno sa mga nagpuyo daplin sa mga sapa ug kabukiran nga pirmeng maagian og baha ug pagdahili sa yuta nga mag-amping.

“Strong to gale force northeasterly surface wind flow associated with the surge of the northeast monsoon is expected to affect the Northern, Eastern and Western seaboards of Luzon and the Eastern seaboards of Visayas and Mindanao,” sumala pa sa advisory sa PAGASA.

Gidid-an usab sa PAGASA ang tanang mga panagatan ug uban pang gagmay nga sakyanan sa dagat nga dili mopalabi og palawod karong mga panahona.  (BANAT NEWS)

 

ACTING MAYOR EDGARDO LABELLA ANG BANAT NEWS BARANGAY BABAG BARANGAY BABAG KAPITAN DOLORITO CESAR BARANGAY INAYAWAN CEBU CITY DISASTER RISK REDUCTION MANAGEMENT COUNCIL HEAD SIMEON CITY DISASTER RISK REDUCTION AND MANAGEMENT COUNCIL DAVAO ORIENTAL EASTERN AND WESTERN NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with