^

Banat Balita

Gambling machines, porn materials gibungkag

Banat

CEBU, Philippines - Gipahigayon kagahapon ang ceremonial nga pagguba sa dili mominus 1,000 ka video karera ug moli-moli machines lakip ang pagguhay-guhay sa mga law-ay nga hulagway ug video tapes nga nasakmit sa Dakbayan sa Sugbo.

Gamit ang mga maso ug gunting, ang kalihukan gipangulohan ni acting Mayor Edgardo Labella kauban ang kapolisan, Police Advisory Coordinating Council (PCAC) ug City Anti-Indecency Board (CAIB).

Matud ni Engr. Eugene Elizalde, pangulo sa PCAC, nga nasakmit sa kapolisan ang mga illegal machines gikan sa Enero hangtud karong buwana apan naglisud sila pagdispatsar tungod kay adunay ordinansa may kalabutan sa environmental safety hinungdan nga nakig-alayon sila sa Movement for Livable Cebu alang sa pag-dispose sa mga television screens.

Ang mga ginuba nga kahon sa gambling machines ipagamit sa mga relocation site sa pagpaayo pa sa ila’ng mga balay.

Gipadayag ni Elizalde nga lakip sa gipatutukan karon sa kapolisan ang illegal numbers game nga nagsaka tungod kay gamay lang nga machines ang gikinahanglan ug daku ang kita.

Si Senior Superintendent Marciano Batiancela nipadayag nga nasakmit nila ang mga illegal gambling machines sa nagkadaiyang kabarangayan sa dakbayan sama sa Ermita, Calamba, Tejero, Pasil ug Duljo.

Gipadayag ni Batiancela nga maglisud gyud sila usahay pagsakmit sa gambling machines tungod kay naa kini sulod sa panimalay ug magkinahanglan pa sila og search warrant gikan sa korte aron sila makahimo og operation.

Malipayon si Labella sa pagkasakmit sa mga pornographic ug illegal gambling machines tungod kay makadaut kini sa moral sa kabatan-onan.

Gihagit ni Labella ang kapolisan ug CAIB nga dili mohunong sa ilang trabaho sa pagsakmit lakip na sa kagamitan sa pakighilawas sama sa sex toys ug goat eye nga ilegal nga gipang-display sa sidewalk.

Ang City Administrator ug pangulo sa CAIB, Dr. Lucille Mercado, nipadayag nga nasubo siya tungod kay sayon-sayon lang nga gi-display ang mga pornographic materials nga dili pa gyud layo sa simbahan.

Gipadayag ni Mercado nga nagsugod na usab sila karon og monitor sa pipila ka radio stations nga adunay drama nga hilas ug law-ay.

Kini human nakadawat og reklamo ang CAIB kabahin sa usa ka radyo nga nag-drama og law-ay paminawon.

Gihangyo usab ni Mercado ang katawhan nga mo-report sa iya’ng buhatan ug mag-rekord sa law-ay nga programa sa radyo. (BANAT NEWS)

 

ANG

ANG CITY ADMINISTRATOR

CITY ANTI-INDECENCY BOARD

DR. LUCILLE MERCADO

EUGENE ELIZALDE

GIPADAYAG

LIVABLE CEBU

MACHINES

MAYOR EDGARDO LABELLA

MGA

NGA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with