^

Banat Balita

Bag-ong nikobra og cash assistance napaig

Banat

CEBU, Philippines - Usa ka 67-anyos nga senior citizen nga gituohang hubog nga natulog ang napaig human niulbo ang sunog sa iyang balay diha sa Sitio Dumpsite, Brgy. Inayawan ning Dakbayan sa Sugbo.

Ang alarma sa sunog nadawat alas -10 pasado sa gabii ug nakontrolar sulod sa 20- minutos apan niresulta kini sa kamatayon ni Celso Serad, 67, nga usa ka drayber sa trisikad.

Matud pa nga wala na nakagawas sa iyang balay ang biktima tungod kay nakatulog kini gumikan sa kahubog human naglingaw-lingaw  pagkadawat og financial assistance gikan sa Dakbayan sa Sugbo.

Si Senior Fire Officer 3 Daniel Relatado Jr., miingon nga kandila maoy gituohan niyang hinungdan sa sunog tungod kay wala may linya sa kuryente ang panimalay sa namatay.

Sumala pa ni Relatado, base sa nakuha nilang impormasyon , lima na ka higayon nibahad ang namatay nga iyang sunogon ang iyang balay matag kini mahubog sa buhi pa kini.

Gibutyag ni Relatado nga posibleng nagdagkot og kandila ang biktima apan nakalimtan niini pagpalong gumikan kay nakainom.

Dali ang pagkatap sa kalayo kay ginama sa light materials ang kabalayan sa lugar. Ang biktima nakit-an nga nag-ubo ug napaig ang kalawasan diha sa iyang lawak. Si Relatado nibutyag nga upat lang ka mga panimalay ang hingpit nga naugdaw ug giisa nila ngadto sa first alarm ang maong sunog nga nidanyos og P10 mil.

Gibutyag ni Relatado nga naglisod sila pagsulod sa lugar tungod kay huot kaayo ang dalan ug daghan kaayo ang mga tawo nga nagpuyo sa barong-barong duol sa bungtod sa basura.

Si acting Mayor Edgardo Labella, kinsa nisusi sa kahimtang sa mga apektadong nasunogan mibutyag  nga ang Department of Social Welfare and Services mohatag og hinabang sa mga apektadong pamilya sama sa pagkaon, financial assistance.

Nakahigayon usab si Labella sa pagpahimangno sa publiko nga mag-amping batok sa sunog ug likayan ang paggamit og mga substandard nga mga Christmas lights sa ilang dayan-dayan karong kapaskohan kay usa kini sa hinungdan sa sunog. (BANAT NEWS)

ANG

CELSO SERAD

DAKBAYAN

DANIEL RELATADO JR.

DEPARTMENT OF SOCIAL WELFARE AND SERVICES

GIBUTYAG

MAYOR EDGARDO LABELLA

NGA

RELATADO

SI RELATADO

SI SENIOR FIRE OFFICER

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with