Kapitolyo di mousab sa kondisyones niini sa 93-1
Brenda Batuto (Banat) - December 13, 2015 - 9:00am

CEBU, Philippines – Ang kagamhanan sa probinsiya ug Sugbo nagpadayon pa sa ilang finalization sa mga “terms of reference” alang sa memorandum of agreement nila sa 93-1 nga luna nga dunay gilapdon tanan nga 32 ektarya.

Usa na niini ang kabahin sa bayad o baylo sa kagamhanan sa Sugbo  ngadto sa probinsiya kinsa maoy tag-iya sa mga luna nga ubos sa 93-1 nga nahimutang sa mga lugar sa dakbayan sa Sugbo. Si provincial legal officer, Atty.   Orvi Ortega miklaro nga ang probinsiya padayon sa ilang baroganan nga papun-an og luna nga dunay value nga P1.3 bilyones ang P500 milyones nga tanyag sa dakbayan sa Sugbo bugti sa 93-1.

Matud ni Ortega nga patas kini nga paagi tungod kay tukma lang usab kini sa market value karon sa 93-1 nga P1.8 bilyones ug ang probinsiya wala makapahimulos sa luna sa dugay nang panahon.

Gibutyag ni Ortega nga ang dakbayan sa Sugbo maoy mitanyag sa luna diha  sa south road property (SRP) nga dunay kantidad  nga P1.3 bilyones apan wala gitumbok kung asa nga habig diha sa nahisgutang lugar.

Sa nakalabay nga mga buwan, ang kagamhanan sa dakbayan sa Sugbo kaniadto mitanyag lang og P500 milyones bugti sa 93-1 apan wala mosugot niini ang probinsiya.

Ang maong kantidad data-datahan ra og bayad apan ang kagamhanan sa probinsiya wala mosugot buot nilang tibuok ang P500 milyones nga ibayad wala’y labot ang luna nga nagbalor og P1.3 bilyones.

Buot sa dakbayan sa Sugbo nga P100 milyones ang ilang pasiunang bayad ug ang kinatibuk-ang bayad isunod kung mabalhin na sa probinsiya ngadto sa dakbayan sa Sugbo ang titulo sa luna.

Ang mga residente nga nagpuyo sa 93-1 nga luna gibati og kabalaka sa ilang sitwasyon apan ang kagamhanan sa probinsiya mipasalig nga sulbaron gyud nila ang isyu. – /EIM) (BANAT NEWS)

ANG BUOT DAKBAYAN GIBUTYAG LUNA MATUD NGA ORTEGA ORVI ORTEGA PROBINSIYA SUGBO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with