IEC Youth Day himuon sa Mandaue ug Lapu-Lapu
(Banat) - December 11, 2015 - 9:00am

CEBU, Philippines - Ang Commission on Youth (CoY) mipahibalo usab nga preparado na sila sa umaabot nga IEC Youth Day nga diin aduna nay 1,700 ka mga delegado gikan sa Archdioceses ug Dioceses sa Pilipinas ang nagpalista.

Ang CoY nagpadayon pa og panawat og mga delegado gikan sa hut-ong sa mga tinun-an nga nagpangidaron 16 pataas hangtud sa Disyembre 16.

IEC Youth Day mahitabo karong Enero 27 ngadto na sa 29 sunod tuig.

Aduna na usab memorandum of agreement nga gilagdaan tali sa Simbahan ug sa top executives sa Mandani Bay.

Si Bishop Dennis Villarojo, Secretary General sa 51st IEC nagpasalamat ngadto sa Mandani Bay ug sa Taft Properties gumikan sa pag-offer sa Mandani Bay isip ikaduha nga venue sa Youth Day.

Nasayran nga dunay duha ka venue ang simbahan alang sa maong kalihukan nga naglangkob sa Hoopsdome sa siyudad sa Lapu-Lapu ug ikaduha ang Mandani Bay sa siyudad sa Mandaue.

Gibutyag ni Bishop Villarojo, ang Hoopsdome mahimong makapasulod  og 6 mil ka tawo ug ang Mandani Bay milyon ka tawo  ang masulod sa ilang 20 ka ektarya nga luna nga gusto nilang ipagamit.

Ang Project Director sa Mandani Bay Theodore Gilbert  miingon misulod sila sa maong MOA human ilang nakita ang potensyal sa Youth Day hinungdan nainteresado sila sa pagtabang kay gusto usab nila i-promote ang passion sa mga Sugbuanon nga iyang gihulagway nga relihiyoso.

Ang venue sa Mandani Bay usa ka open field nga butangan og stage alang sa mga guest performer ug ang tibuok 20 ka ektarya butangan og suga alang na sa kaluwasan sa mga moapil sa kalihukan.

Butangan usab og security assistance, first aid ambulance lakip na ang night market event diin mahimong makapalit og pagkaon ang mga batan-on ug dili na mogawas pa.

Samtang si Father Kit Sestoso, Chairman sa Commission on Youth miasoy bisan nakahan-ay na ang tanan apan padayon lang gihapon ang ilang pagpangandam ilabi na ang pakig-alayon sa nagkadaiyang  government agencies. (Rowena D. Capistrano ug Decemay Padilla/EIM)

ANG ANG COMMISSION ANG PROJECT DIRECTOR BAY BISHOP VILLAROJO DECEMAY PADILLA FATHER KIT SESTOSO HOOPSDOME MANDANI BAY NGA YOUTH DAY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with