55 kilo ka pagi giembargo gikan sa merkado

Brenda Batuto (Banat) - December 10, 2015 - 9:00am

CEBU, Philippines - Mikabat sa 55 ka kilo nga “stingray” o pagi ang gisakmit sa mga sakop sa Cebu Provincial Anti-Illegal Fishing Task Force kagahapon sa kaadlawon diha sa merkado sa Barangay Centro, dakbayan sa Mandaue.

Ang maong mga pagi dunay gidaghanon nga 49 kabuok ug mokabat tanan sa P5,500 ang kantidad.

Ang hepe sa task force, Marcelo Go nagkanayon nga ang stingray klase usab kini sa iho nga endangered species ug gidili na ang pagkuha niini.

Kagahapon maoy unang pagpahigayon sa task force og market inspection human sila makadawat og mga report kabahin sa pagpamaligya og mga endangered species sa kamerkadohan.

Ang maong mga pagi nasakmit kini gikan sa fish vendor nga si Ely Montilla, nga taga Barangay Labogon, dakbayan sa Mandaue.

Matud ni Go nga giingong gikan sa merkado sa Pasil, dakbayan sa Sugbo nakompra ni Montilla ang maong mga pagi.

Ang task force daan nang nipahibalo sa mga fish vendors sa mga matang sa isda nga gidili sa pagbaligya kay maihap na lang ang gidaghanon niini sa kadagatan ug nameligro nang mahurot sa hingpit tungod sa overfishing ug kadtong mga isda nga pinabuthan o nakuha sa ilegal nga pamaagi.

Ang mga nakompiska nga pagi gilubong diha sa nursery sa Provincial Environment and Natural Resources Office (PENRO) sulod sa compound sa Kapitolyo.  (BANAT NEWS)

ANG BARANGAY CENTRO BARANGAY LABOGON CEBU PROVINCIAL ANTI-ILLEGAL FISHING TASK FORCE ELY MONTILLA KAGAHAPON MANDAUE MARCELO GO MGA NGA PROVINCIAL ENVIRONMENT AND NATURAL RESOURCES OFFICE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with