Demolisyon sa kasambagan wa kapugngi ni VM Labella
CEBU, Philippines – Suway nga gipugngan ni Cebu City acting Mayor Edgardo Labella ang korte sa pagguba sa kabalayan sa Barangay Kasambagan apan napakyas.
Matud ni Labella nga niadto’ng Lunes sa hapon giduso niya kang Municipal Trial Court in Cities (MTCC) Branch 1 Judge Monalila Tecson ang motion for reconsideration.
Apan gibasura kini sa korte human sa duha na ka higayon nga gipugngan ang pagguba sa mao’ng dapit.
Dugang ni Labella nga dugay na nadesisyonan sa korte ang pag-demolis sa dili mominus 25 ka panimalay.
Sa pagbisita ni Labella sa dapit iya’ng naabtan nga adunay usa na lang ka balay ang nagpabilin sa mao’ng dapit tungod kay boluntaryo na nga namiya ang uban nga namuyo.
Gipahulaman sa kagamhanan sa dakbayan ang usa ka dumptruck sa mga biktima sa demolisyon aron paghatud sa ila’ng mga gamit ngadto sa ila’ng gibalhinan.
Mo-apelar usab si Labella sa Department of Social Welfare and Services aron hatagan og P10 mil nga financial assistance ang biktima sa demolisyon. – /GMR) (BANAT NEWS)
- Latest
