^

Banat Balita

Brgy.kapitan sikop sa drug den

Banat

CEBU, Philippines – Naposasan sa kapulisan sa lungsod sa Pinamungajan ang usa ka barangay kapitan human kini nadakpan atol sa gihimong drug raid sulod sa usa ka payag-payag nga gihimong drug den diha sa Barangay Tutay sa maong lungsod sa nakalabay nga gabii.

Ang kapitan giila nga si Rhabee Nortezay Yanong, 46,   kapitan sa maong barangay. Nadakpan usab sila si Rommel Magtagad, 39 ug Theresa Manguilimotan, 37, nagpuyo sa maong lugar.

Sumala pa ni Senior Inspector Al Jaca Pascual, hepe sa kapulisan sa maong lungsod nga nahinabi sa Banat News nakadawat sila og report nga adunay mga tawo nga pirmeng manuyop og drugas sa  maong payag-payag. Atol sa paghamag sa mga polis naglumbaanay og dagan ang mga kalalakin-an apan si Yanong ug ang laing duha ang nadakpan sa mga polis.

Si Pascual mitug-an nga sa dihang gidakop sa iyang mga sakop ang kapitan misukol pa kini sa mga polis ug hapit nagkasinukmagay.

“Dako man gud siya nga tawo unya ang atong polis gagmay man mao siguro ‘to nga misukol siya,” matud pa ni Pascual. Si Pascual midugang nga arogante kaayo ang kapitan ug gipangbaharan silang ipangkiha ug maghinutdanay sila og kwarta didto sa korte.

Gipasabot sa opisyal nga wala sila magtuo nga maapil sa ilang madakpan ang kapitan, apan miangkon siya nga aduna na sila’y inisyal nga impormasyon nga tiggamitan kini og drugas.

Ilaha usab nabantayan nga di kini mokooperar sa kapolisan panahon nga aduna silay anti-illegal drugs operations sa iyang barangay.

Nakuha sa kapulisan gikan ni Yanong ang duha ka gagmay nga pakete sa gituohang shabu, tulo ka linukot nga tin foil ug usa ka lighter. Samtang nakuhaan usab og tagsa ka paketeng drugas ug drug paraphernalia sila si Manguilimotan ug Magtagad.

Si Yanong ug Magtagad gidala sa tambalanan human misaka ang blood pressure.

Samtang ang mga sakop sa Provincial Intelligence Branch (PIB) sa Cebu Provincial Police Office nakasakmit sa kapin usa ka milyon ka pesos nga balor sa shabu sa duha ka managlahing operasyon.

Unang gironda ang Barangay Bawo sa lungsod sa Sogod ug nadakpan sila si Rustom Montejo Bragat, Julius Cesar Tampus ug Nelson Macuto atol sa buy-bust operation. Target sa kapulisan mao si Bragat kinsa dali nilang gisignit human nitunol og shabu nga balor P500.

Nasakmit sa kapulisan gikan sa mga suspetsado ang daghanang shabu nga mitimbang og 71 gramos nga duna’y kantidad nga P837, 800 mil. Laing operasyon ang gihimo sa PIB diha sa Sitio Salvador, Barangay Tangke dakbayan sa Talisay ug miresulta sa pagkasikop kang Hilario Palmero.

Matud pa ni Senior Police Officer 1 Renante Solante , team leader sa maong operasyon nipalit sila og P2 mil nga shabu ug dihang gitunol na niini ang drugas gidiretso siya og dakop.

Narekober sa kapulisan ang 12 ka gagmay nga pakete ug usa ka dakong bulto sa shabu nga nagkantidad og P632,480 mil.(Jojo Ugdol/EIM)(BANAT NEWS)

 

ANG

BANAT NEWS

BARANGAY BAWO

BARANGAY TANGKE

BARANGAY TUTAY

CEBU PROVINCIAL POLICE OFFICE

HILARIO PALMERO

MGA

NGA

SI PASCUAL

SILA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with