^

Banat Balita

‘Druglord’ patay sa drug raid

Raymond D. Abarcas - Banat

CEBU, Philippines – Gipasanginlang ‘druglord’ napusilan patay atol sa buy-bust ug laing upat niini ka mga sakop ang nadakpan ug nasalbar sa kapolisan ang Filipina-German nga 17-anyos nga babaye nga giingong kapuyo sa napatay diha sa barangay Tubod sa dakbayan sa Toledo kagahapong adlawa.

Ang napatay mao si Wilson Villanueva, human matud pa nisukol sa mga operatiba sa Provincial Intelligence Branch sa Cebu Provincial Police Office ug kapolisan sa dakbayan sa Toledo.

Nadakpan usab sila si Danilo Flores, Vincent Barcenas, Julius Cuberos ug ang inahan sa 17 anyos nga dalagita.

Nahitabo ang pagkasikop sa mga suspek sa balay sa maong ginang sa nahisgutang lugar nga gikatahong gihimo nang drug den.

Ang grupo ni Senior Police Officer 1 Reynaldo Solante sa PIB ug mga sakop sa Special Weapons and Tactics  (SWAT) Toledo mao ang nilusad sa maong operasyon.

Matod ni SPO1 Solante nga ilang gipalitan og shabu ang suspek gamit ang duha ka tag usa ka libo nga salapi apan human nakompleto ang transaksiyon ug ilaha na unta kining dakpon niaksiyon og bunot sa iyang armas ang suspek hinungdan nga napusilan kini sa mga awtoridad.

Gidala pa unta kini dayon sa tambalanan apan patay na kining nadangat didto.

Dugang ni Solante nga gihulagway nga number one drug pusher sa dakbayan sa Toledo ang suspek diin matud pa mao usab ang tighatod og drugas sa Negros Occidental. Nasakmit gikan sa dapit ang usa ka .45 kalibre sa armas adunay mga bala, usa ka submachine pistol nga Ingram nga adunay mga bala, usa ka medium pack ug upat nga large pack nga adunay sulod nga gituohang shabu ug drug paraphernalia.

Gibana-bana nga mobalor sa kapin P271 mil ang kantidad sa maong shabu.

Ang kapolisan mohimo og imbestigasyon batok sa tag-iya sa balay tungod sa report nga kapuyo ni Villanueva ang anak niini nga mao ang 17-anyos nga Fil-German nga ilang naluwas ug ang paggamit sa panimalay niini nga drug den.

Apan ang tag-iya sa panimalay nga inahan sa dalagita kusganong mihimakak nga may kalambigitan kini sa kalihukan ni Villanueva.

Gitug-an ni Solante nga taud-taod na sila nakadawat og report kalabot sa ilegal nga kalihokan sa grupo ni Villanueva diha sa maong dapit ug nakompirmar nila kini human sa kapin sa usa ka buwan nga pagpaniid.

Gikatakdang i-turnover sa kapolisan ang 17 anyos nga batang babaye ngadto sa Department of Social Welfare and Development (DSWD) alang sa temporaryong pagkustodiya niini.

Samtang gikatakdang pasakaan og tukmang kaso ang mga dinakpan. – /EIM) (BANAT NEWS)

ANG

CEBU PROVINCIAL POLICE OFFICE

DANILO FLORES

DEPARTMENT OF SOCIAL WELFARE AND DEVELOPMENT

JULIUS CUBEROS

MGA

NEGROS OCCIDENTAL

NGA

PROVINCIAL INTELLIGENCE BRANCH

SOLANTE

VILLANUEVA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user