Kapin 80 mil di makabotar sa probinsiya
Brenda Batuto (Banat) - November 4, 2015 - 9:00am

CEBU, Philippines - Dili makabotar sa eleksiyon sunod tuig ang kapin sa 80 mil ka tawo sa probinsiya sa Sugbo.

Kini gumikan sa kapakyas sa pagkompleto sa ila’ng biometric data sa buhatan sa Commission on Elections hangtud sa katapusang adlaw niadto’ng Sabado.

Ang Comelec nipahibawo nga ang mga wala’y biometrics dili gyud makabotar sa umaabot nga eleksiyon.

Ang Comelec sa probinsiya lakip niini ang dakbayan sa Sugbo nakarehistro og 2,689,717 apan aprobahan pa kini sa Election Registration Board.

Sa mao’ng gidaghanon, 0.30 porsiyento o 7,939 ang dili kompleto ang datos sa biometric ug 2.7 porsiyento o 74,110 ang wala’y biometric data.

Ang 2,607,668 ka rehistradong botante mao ang may kompleto nga biometric data.

Sa laing bahin, gihangop sa Comelec ang plano nga pagpahigayon og mall voting.

Matud ni Provincial Election Officer, Atty. Ferdinand Gujilde, nga maayo kini alang sa mga persons with disability ug senior citizens tungod kay ang mall hamugaway nga lugar.

Pabor usab kini sa mga botante nga nagpuyo duol sa mall. (BANAT NEWS)

ANG ANG COMELEC COMELEC DILI ELECTION REGISTRATION BOARD FERDINAND GUJILDE KINI MATUD NGA PROVINCIAL ELECTION OFFICER SUGBO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with