Pamilya sikop sa drugas
(Banat) - November 4, 2015 - 9:00am

CEBU, Philippines - Usa ka pamilyahan ang gidakop sa kapolisan sa Minglanilla samtang kapin tunga sa milyon ka pesos usab ang nasakmit sa operasyon sa kapolisan sa Cebu City ug usa ka Amerkano usab ang gidakop didto sa Siquijor tungod sa pagpamaligya og shabu.

Kagahapon sa kaadlawon , gironda sa kapolisan sa Minglanilla pinangulohan ni Chief Insp. Rodulf Oriol ang usa ka panimalay sa sitio Esperañan, barangay Tungkop tungod sa pagpamaligya og shabu.

Ang mga dinakpan mao sila si Rodulfo Fiel, 66, amahan; mga anak niini nga sila si Manuel “Jundie” Fiel, 40; Marvin Fiel, 34;  Mario Fiel, 26; ug ang umagad ni Rodulfo nga si Joselito Lariosa, 24.

Si Oriol nagkanayon nga si Jundie kinsa naila nga level 3 drug pusher maoy ilang target.  Sigun pa niya nga si Jundie mismo ang nakig-negosasyon sa ilang poseur buyer ug napalitan kini og P200 nga kantidad sa shabu sa gawas sa panimay sa mga suspetsado.

Matud pang Oriol gipasa ni Jundie ang drugas ngadto sa iyang manghod nga si Marvin dayun gitunol usab niini ang shabu, dihadiha gisikop ang duha apan nidagan si Marvin sa sud sa ilang balay ug didto naabtan ang ilang amahan kinsa nibunot og armas apan nadisarmahan.  Giapil sa pagsikop ang laing mga igsuon niini nga atua sulod sa panimay human sila nakuhaan og drug paraphernalia.

Nakuha gikan ni Marvin mao ang bag nga adunay sulod 25 ka gagmay nga paketeng shabu, marijuana; nakuha gikan ni Jundie ang .357 nga revolver nga adunay unom ka bala samtang usa ka improvised Frontier Revolver nga adunay 25 ka bala sa 5.56 caliber ang nakuha gikan sa ilang amahan.

"Family business gyud ni nila gani hasta ang umagad niapil na man sa pagbaligya og shabu," matud pa ni Oriol.

Sa laing bahin, kapin sa tunga sa milyon ka pesos nga kantidad sa shabu ang nasakmit sa mga sakop sa Mambaling Police sa Cebu City gikan sa gidudahang notadong drug pusher atol sa buy- bust operation diha sa sitio Ubos Puso, barangay Basak -San Nicholas ning dakbayan. Ang dinakpan mao si Manuel Navarro, 43, nagpuyo sa maong dapit.  Matud pa ni Sr. Insp. Regino Maramag Jr., hepe sa Mambaling Police nga nahinabi sa Banat News, si Navarro anaa sa “top 10 target” sa ilang buhatan.

Ang suspek gidakop human napalitan og P200 nga shabu  ug nakuhaan kini og dugang napulo ka mga medium size nga paketeng may sud nga shabu nga mikantidad og P590 mil.

Gawas sa drugas nakuha sab sa kapulisan ang usa ka .9mm Black Widow nga armas nga walay serial number. Samtang didto sa lalawigan sa Siquijor, nadakpan ang Amerkanong si John Kevin Leopard,53, human kini nibaligya og usa ka paketeng shabu ngadto sa mga polis diha sa barangay Pangi  sa lungsod sa Siquijor.

Lakip sa nadakpan mao ang iyang runner nga si Kent Dungon, 27, ug nakuhaan og tulo ka pakete nga shabu.

Si Superintendent Enrique Belciña, deputy provincial director for operations sa Siquijor Police Provincial Office miingon nga ang suspek nasikop human nga gipalitan og usa ka pakete nga shabu bali’g P1,000.

Si Leopard nakuhaan sad og 14 ka pakete nga shabu ug ang buy-bust money. (BANAT NEWS)

ANG ATILDE BANAT NEWS BLACK WIDOW CEBU CITY CHIEF INSP MAMBALING POLICE MARVIN NGA SHABU SIQUIJOR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with