^

Taga bantay radyo nidangop sa NLRC

Decemay P. Padilla (Banat) - November 3, 2015 - 9:00am

CEBU, Philippines – Nidangop sa National Labor Relations Commission ang 17 sa 25 ka kawani sa El Nuevo Bantay Radyo nga kasamtangang nahunong ang operasyon.

Kini aron mahatagan sila sa ila’ng mga benepisyo ug ma-remit ang ila’ng mga contributions ug premium ngadto sa mga hingtungdang ahensiya nga gimando sa balaud.

Matud sa ila’ng tigpamaba, Cesario Cajes, 45, pangulo sa engineering department, nga wala sila’y tinguha sa pagpasaka’g kaso sa pagkakaron batok kang Bokal Grecilda Sanchez, ang presidente sa Pagpalambo Foundation, Inc. (PAFI) nga nagdumala sa Bantay Radyo.

Lakip sa ila’ng gipangayo ang separation pay ug uban pa’ng mga benefits ug dili sila buot nga mo-resign lang deretso kay posible’ng wala na gyud sila’y makuha bisan piso.

Ang sibyaanan napawong sukad Agosto 1, 2015 diha’ng gikuha sa Sarraga Integrated and Management (SIAM), tag-iya sa sibyaanan, ang exciter aron dili na makapadayon ang PAFI sa pagdumala nunot sa pagkapupos na sa kontrata ug ang Cebu CFI Community Multi-Purpose Cooperative na ang modumala niini.

Gireklamo usab sa mga kawani ang pagka-delinquent sa pag-remit sa ila’ng mga benefits sa SSS, PhilHealth ug Pag-Ibig sukad tuig 2010 hangtud sa 2011.

Matud ni Cajes nga kun magdumili gyud sa pag-settle sila si Sanchez ug dili mohatag sa gipangayo, hayan nga mopasaka na gyud sila og kaso.

Sayo niini si Yody Sanchez, ang vice president for operation sa Bantay Radyo, niluwat og memorandum niadto’ng Agosto 15, 2015 nga nagpahibawo sa pagsuspenso una sa business operations sa sibyaanan sulod sa unom ka buwan tungod sa ila’ng kaso tali sa SIAM ug CFI.

Apan giklaro ni Cajes nga wala’y labot sila’ng mga trabahante sa bangi ug ang unom ka buwan taas ra kaayo nga antuson nila ilabi na nga pulos sila mga pamilyado.

Si Cajes nagtrabaho sa Bantay Radyo sulod na sa 13 ka tuig ug di mominus unom ka tuig ang labi’ng uwahi nga trabahante.

Lakip sa nisang-at sa reklamo ang news desk editor nga si Emmie Mates Gabito ug ilang Traffic/Marketing nga si Chona Cañete.

Si Sanchez sa iya’ng bahin nitugyan ngadto sa Department of Labor and Employment (DOLE) sa sitwasyon sa kompaniya.

Matud ni Sanchez nga nipahibawo na sila sa DOLE tungod kay apektado ang mga empleyado sa kaso nga anaa sa korte.

Si Sanchez nikwestiyon kun unsaon nila sa pagbayad nga nahunong man ang ila’ng operasyon. – Renan Alangilan ug Brenda D. Batuto/GMR) (BANAT NEWS)

ACIRC AGOSTO ANG BANTAY RADYO BOKAL GRECILDA SANCHEZ BRENDA D MATUD MGA NGA SI SANCHEZ SILA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with