Linog mahinumduman sa piyesta sa Talisay
Gabriel Bonjoc (Banat) - October 11, 2015 - 10:00am

CEBU, Philippines – Mahinumduman gyud sa taga dakbayan sa Talisay ang linog niadto’ng Oktubre 15, 2013 sanglit naatol kini sa kapistahan ni Sta. Teresa de Avila.

Si Mario Tereso Rosales, 26, taga Poblacion, dakbayan sa Talisay, nitug-an sa Banat News nga nabulabog ang tanan nila’ng pagpangandam sama sa hikay sa sud-an nga giandam sa mga bisita.

Matud ni Rosales nga naglumba sa pagpanggawas sa tagsa-tagsa ka balay ang mga tawo.

Si Rodulfo Mabala, hepe sa tanod sa Poblacion, ang nisaysay nga dili tiaw ang mao’ng hitabo gumikan sa iya’ng trabaho sa pagmentinar sa kahapsay ug kalinaw.

Gani iya’ng nakita nga nangaratol ang tanang tawo sama sa iya’ng nasinati ug nisuroy siya sa barangay sa pagsusi og unsa ang nangaguba apan siya nakahinuktok ug nakapangutana sa kaugalingon nga kun nanginahanglan ang katawhan niya gumikan sa iya’ng responsibilidad, mas nanginahanglan ang iya’ng pamilya sa iya’ng presensiya kay ang tanang tawo man ang nakasinati sa makahadlok nga linog.

Si Jeross Capala nga taga Cansojong nagkanayon nga kataw-anan para sa wala’y kabangkaagan ang panghitabo tungod sa sitwasyon nga sulod gawas sa panimaye ang mga tawo matag igo sa linog apan dili kini tiaw ngadto sa adunay pamilya’ng gihuna-huna.

Asoy pa niya nga ang uban gitiwas na lang ang ila’ng pag-ihaw sa baboy, manok, kanding ug uban pa apan wa na lang nila gipadayun sa pagluto ang tanan kay hasta ang ilang mga bisita ang nipahibawo na nilang daan nga dili makapamista tungod sa kakuyaw.

Samtang si Markyn Reyes sa Dumlog nga naa sulod sa simbahan niadto’ng higayuna ang niingon nga naglumba sa pagdagan ang mga deboto ni Sta. Teresa apil na gani siya sa kahadlok nga matumpag ang karaang simbahan.

Apan sayop ang ilang pagtuo gumikan kay bisan usa nga parti sa simbahan wala naunsa.

Nakaingon si Reyes nga giprotektahan gihapon sa patron nga si Sta. Teresa de Avila, kinsa balaang magtutudlo sa simbahan.

Apan wala gyud makaipsot sa linog ang pipila ka tawo sama na lang sa nahitabo sa barangay San Isidro nga nibigay ang atop sa usa sa mga edepisyo ug nidat-og sa van nga gisakyan sa grupo sa mga batan-on kinsa usa kanila ang nakalas.

Ang katawhan nihulagway nga ang piyesta sa Talisay gikaluhaan sa linog nga aduna sa’y daku’ng pagtulun-an kun unsa gyud ang angay nga pagabuhaton kun maigo sa susama’ng panghitabo nga makalilisang. - /GMR) (BANAT NEWS)

ACIRC ANG APAN AVILA BANAT NEWS MARKYN REYES MGA NGA SAN ISIDRO SI JEROSS CAPALA TERESA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with