Usa nadakpan sa buy-bust operation
CEBU, Philippines - Nasikop sa kapolisan ang usa ka lalaki nga gituohang drug pusher human sa buy-bust operation pasado alas 3 sa miaging hapon sa barangay Poblacion sa lungsod sa Argao.
Ang nasikop naila nga si Harold Patigayon, 57, molupyo sa nahisgutan nga lugar.
Pasado alas-3 sa miaging hapon ang hepe sa Argao nga si Senior Inspector Alejandro Batobalonos mipahigayon sa buy-bust operation kauban sa upat niya ka operatiba.
Gihagad nila nga palitan og usa ka paketeng shabu si Patigayon bali’g P200 human nga nakadawat sila’g taho nga namaligya kini og ginadiling drugas.
Ang tropa sa Argao ug si Patigayon nagkasinabot nga mag-abot sa barangay Poblacion aron mahatag sa mga polis ang kwarta ngadto sa suspek.
Apan dihang iyang natunol ang drugas ug gidawat ang bayad giposasan kini dayon ug sa pagrekisa kaniya dugang napulo ka gamay nga pakete ug usa ka medium pack nga pulos adunay sud nga gidudahang shabu nga mobalor of P119,180 ang nakuha, nabawi usab ang P200 nga buy-bust money.
Kasong kalapasan sa Comprehensive Dangerous Drugs Act of 2000 ang atubangon ugmang adlawa sa suspek. (BANAT NEWS)
- Latest
