Palma: May paglaum kang Mama Mary

CEBU, Philippines – Adunay paglaum kung modangop kang Birhen Maria panahon sa kawad-on ug kahingawa sa kinabuhi.

Kini ang mensahe ni Arsobispo Jose Palma samtang saulugon karong adlawa ang adlaw nga natawhan ni Mama Mary sa tibuok  Simbahang Katoliko.

Matud ni Palma nga mahimo’ng saulugon ang kalihukan pinaagi sa pagsimba, pag-apil sa nagkadaiya’ng buluhaton sa simbahan nga magpasidungog kang Maria ug ang paghimo sa buhat sa kalooy.

Sumala pa ni Palma nga bulahan ang katawhan nga may usa ka Inahan nga naghimo sa tanan nga managsuon nga mobati sa isigka-tawo.

Dugang sa Arsobispo nga niini’ng Jubilee Year of Mercy, naghuwat siya sa kamanduan kung kanus-a ipatuman ang panawagan ni Pope Francis sa paghatag og pagtugot sa kaparian sa pagpasaylo sa mga tawo nga nakasala og aborsiyon.

"Like God, we should manifest His mercy ngadto sa ato’ng kaigsuonan," sumala pa ni Palma. – /GMR) (BANAT NEWS)